അഡ്വ.പ്രതീഷ് പ്രഭ അറക്കുളത്ത്പര്യടനം നടത്തി

മൂലമറ്റം: ഇടുക്കി നിയോജക മണ്ഡലം എൻ.ഡി.എ സ്ഥാനാർത്ഥി അഡ്വ.പ്രതീഷ് പ്രഭ ഇന്നലെ അറക്കുളത്ത് പര്യടനം നടത്തി. പന്ത്രണ്ടാംമൈലിൽ നിന്നും വാദ്യമേളങ്ങളുടെയും നിരവധി പ്രവർത്തകരുടെയും അകമ്പടിയോടെ ആരംഭിച്ച പര്യടനം അറക്കുളം ഭദ്രകാളി ദേവീക്ഷേത്രത്തിലെ ഉത്സവത്തോടനുബന്ധിച്ചുള്ള കുംഭകുട ഘോഷയാത്രയിലും പങ്കെടുത്തു. ക്ഷേത്രസന്നിധിയിൽ പറ നിറച്ച്, പ്രസാദ ഊട്ടിലും സ്ഥാനാർത്ഥി പങ്കെടുത്തു. അറക്കുളം ഗുരുമന്ദിരത്തിലെത്തി പ്രാർത്ഥിച്ച ശേഷം മൂലമറ്റം ഓട്ടോസ്റ്റാന്റിലും, കടകളിലും പ്രതീഷ് പ്രഭ വോട്ടഭ്യർത്ഥിച്ചു.