അറബിക് സെമിനാർ

തിരുവനന്തപുരം: കേരള സർവകലാശാല അറബിക് വിഭാഗം സംഘടിപ്പിച്ച 'ദക്ഷിണേന്ത്യയിലെ അറബിക് പഠനങ്ങളുടെ ചരിത്രവും പരിണാമവും' അന്താരാഷ്ട്ര സെമിനാർ വൈസ്ചാൻസലർ ഡോ.മോഹനൻ കുന്നുമ്മൽ ഉദ്ഘാടനം ചെയ്തു. ഡോ. ഹുസൈൻ മടവൂർ മുഖ്യപ്രഭാഷണം നടത്തി. വിവിധ സർവകലാശാലകളിൽ നിന്നുള്ള ഗവേഷകരും പണ്ഡിതരും പങ്കെടുത്തു. വകുപ്പ് മേധാവി ഡോ.ഇ.സുഹൈൽ അദ്ധ്യക്ഷത വഹിച്ച യോഗത്തിൽ സിൻഡിക്കേറ്റംഗം ഡോ.രാധാമണി,ഐ.ക്യു.എ.സി ഡയറക്ടർ പ്രൊഫ.ഇ.ഷാജി,ഡോ.താജുദ്ദീൻ എ.എസ്,ഡോ.നൗഷാദ്.വി തുടങ്ങിയവർ സംസാരിച്ചു.