പി.ആർ.ഫ്രാൻസിസ് അനുസ്മരണം

ഒല്ലൂർ: ജനങ്ങൾക്കിടയിൽ പ്രവർത്തിക്കുന്ന, ജനങ്ങൾ അംഗീകരിക്കുന്നവരാണ് നേതൃനിരയിൽ വരേണ്ടതെന്ന് മുതിർന്ന കോൺഗ്രസ് നേതാവ് വി.എം സുധീരൻ പറഞ്ഞു. ഐ.എൻ.ടി.യു.സി ഒല്ലൂർ മണ്ഡലം കമ്മിറ്റി സംഘടിപ്പിച്ച പി.ആർ.ഫ്രാൻസിസ് അനുസ്മരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രവർത്തകരെ അംഗീകരിക്കുന്ന നിലപാടുകളാകണം പാർട്ടി സ്വീകരിക്കേണ്ടതെന്നും അദ്ദേഹം പറഞ്ഞു. പനംകുറ്റിച്ചിറ സ്‌കൂളിൽ നടന്ന അനുസ്മരന്ന പരിപാടിയിൽ ഐ.എൻ.ടി.യു.സി ജില്ലാ പ്രസിഡന്റ് സുന്ദരൻ കുന്നത്തുള്ളി അദ്ധ്യക്ഷത വഹിച്ചു. മണ്ഡലം പ്രസിഡന്റ് റിന്റോ, മോളി ഫ്രാൻസിസ്, അഡ്വ.പയസ് മാത്യു തുടങ്ങിയവർ സംസാരിച്ചു.