ചെട്ടിപ്പടിയിൽ വേണം റെയിൽവേ നടപ്പാത,​ റെയിൽവേ ഡിവിഷണൽ മാനേജർക്ക് നിവേദനം നൽകി വികസന സമിതി

പരപ്പനങ്ങാടി :ചെട്ടിപ്പടിയിൽ റെയിൽവേ ഓവർബ്രിഡ്ജ് വരുന്നതോടെ നിലവിലെ റെയിൽവേ ഗേറ്റ് അടയ്ക്കുന്ന സാഹചര്യത്തിൽ കാൽനടയാത്രക്കാർക്കായി ഫൂട്ട് ഓവർ ബ്രിഡ്ജ് നിർമ്മിക്കണമെന്നാവശ്യപ്പെട്ട് ചെട്ടിപ്പടി വികസന സമിതി പ്രവർത്തകർ ഡിവിഷണൽ റെയിൽവേ മാനേജർക്ക് നിവേദനം സമർപ്പിച്ചു .
നിലവിൽ റെയിൽവേ ഗേറ്റ് ഉള്ളിടത്ത് ഒരു ഫൂട്ട് ഓവർ ബ്രിഡ്ജ് അല്ലെങ്കിൽ അണ്ടർപാസ്സേജ് സംവിധാനം വേണമെന്നതാണ് ആവശ്യം. ചെട്ടിപ്പടി വികസന സമിതി ഭാരവാഹികളായ കെ.കെ. ഗംഗാധരൻ, കെ.പി. വത്സരാജ്, തുളസീദാസ്,​ ബി.ജെ. പി തിരൂരങ്ങാടി മണ്ഡലം പ്രസിഡന്റ് ശ്രീരാഗ് മോഹനൻ എന്നിവർ നിവേദക സംഘത്തിൽ ഉണ്ടായിരുന്നു .