SignIn
Kerala Kaumudi Online
Thursday, 19 May 2022 12.34 AM IST

കേന്ദ്രത്തിന്റെ ധനക്കമ്മി 18 വർഷത്തെ താഴ്‌ചയിൽ

fiscal-deficit

ന്യൂഡൽഹി: കേന്ദ്രസർക്കാരിന്റെ വരവും ചെലവും തമ്മിലെ അന്തരമായ ധനക്കമ്മി നടപ്പു സാമ്പത്തിക വർഷം (2021-22) ഏപ്രിൽ-ആഗസ്‌റ്റിൽ 18 വർഷത്തെ താഴ്‌ചയായ 4.68 ലക്ഷം കോടി രൂപയിലെത്തി. മുൻവർഷത്തെ സമാനകാലത്ത് ധനക്കമ്മി 8.7 ലക്ഷം കോടി രൂപയായിരുന്നു. കൊവിഡ് പ്രതിസന്ധി ഇല്ലാതിരുന്ന 2019-20ലെ സമാനകാലത്തേക്കാൾ 15 ശതമാനവും കുറവാണിത്.

നടപ്പുവർഷത്തെ ധനക്കമ്മി ഇതുവരെ, ബഡ്‌ജറ്റ് വിലയിരുത്തലിന്റെ 31.1 ശതമാനമാണ്. 2003-04ൽ രേഖപ്പെടുത്തിയ ബഡ്‌ജറ്റ് വിലയിരുത്തലിന്റെ 28.30 ശതമാനമായിരുന്നു ഇതിനുമുമ്പത്തെ കുറഞ്ഞനിരക്ക്. ഏപ്രിൽ-ആഗസ്‌റ്റിൽ കേന്ദ്രത്തിന്റെ നികുതി/നികുതിയേതര വരുമാനം കുതിച്ചതാണ് ധനക്കമ്മി കുറയാൻ മുഖ്യ കാരണം.

കൺട്രോളർ ഒഫ് ജനറൽ അക്കൗണ്ട്‌സിന്റെ (സി.ജി.എ) റിപ്പോർട്ടുപ്രകാരം ഏപ്രിൽ-ആഗസ്‌റ്റിൽ കേന്ദ്രവരുമാനം 7.93 ലക്ഷം കോടി രൂപയാണ്. 2020-21ലെ സമാനകാലത്തെ 3.70 ലക്ഷം കോടി രൂപയേക്കാൾ 114 ശതമാനമാണ് വർദ്ധന. 2020-21 ഏപ്രിൽ-ആഗസ്‌റ്റിൽ വരുമാനം 2019-20ലെ സമാനകാലത്തെ 6.03 ലക്ഷം കോടി രൂപയിൽ നിന്ന് 39 ശതമാനം ഇടിഞ്ഞാണ് 3.70 ലക്ഷം കോടി രൂപയിലെത്തിയത്. കൊവിഡ്, ലോക്ക്ഡൗൺ പ്രതിസന്ധികളാണ് തിരിച്ചടിയായത്.

നടപ്പുവർഷം ഏപ്രിൽ-ആഗസ്‌റ്റിൽ കേന്ദ്രത്തിന്റെ ചെലവ് 12.48 ലക്ഷം കോടി രൂപയിൽ നിന്ന് 2.3 ശതമാനം ഉയർന്ന് 12.77 ലക്ഷം കോടി രൂപയായി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, FISCAL DEFICIT, INDIAN ECONOMY
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.