പരിക്കേറ്റ ജേസൺ റോയ് പുറത്ത്, ഇംഗ്ലണ്ടിന് തിരിച്ചടി​

ദുബായ്: സൂപ്പർ 12ൽ ദക്ഷിണാഫ്രിക്കയ്ക്കെതിരായ മത്സരത്തിനിടെ പരിക്കറ്റ ഇംഗ്ലീഷ് ഓപ്പണർ ജേസൺ റോയ്‌ക്ക് ലോകകപ്പിലെ തുടർന്നുള്ള മത്സരങ്ങൾ നഷ്ടമാകും. ഇംഗ്ലണ്ട് ആൻഡ് വേൽസ് ക്രിക്കറ്റ് ബോർഡാണ് ഇന്നലെ ഇക്കാര്യം സ്ഥിരീകരിച്ചത്. നാളെ ന്യൂസിൻഡിനെതിരെ സെമിഫൈനലിനിറങ്ങുന്ന ഇംഗ്ലണ്ടിന് റോയ്‌യുടെ അഭാവം വലിയ തിരിച്ചടിയാണ്.

റോയ്ക്ക് പകരം ജെയിംസ് വിൻസിയെ ഇംഗ്ലീഷ് ടീമിൽ ഉൾപ്പെടുത്തിയിട്ടുണ്ട്.ശനിയാഴ്ച ദക്ഷിണാഫ്രിക്കയ്ക്ക്തെരെ റണ്ണിനായി ഓടുന്നതിനിടെയാണ് റോയ്ക്ക് കാലിന് പരിക്കേറ്റത്. വേദനകൊണ്ട് പുളഞ്ഞ് മൈതാനത്തു കിടന്ന റോയ് മുടന്തിയാണ് മടങ്ങിയത്. ലോകകപ്പിലെ അഞ്ചു മത്സരങ്ങളിൽ നിന്ന് 123 റൺസ് റോയ് നേടിയിട്ടുണ്ട്.