അങ്കമാലി: നടൻ ചെമ്പൻ വിനോദ് ജോസിന്റെ പിതാവ് മാളിയേക്കൽ ചെമ്പൻ ജോസ് നിര്യാതനായി. സംസ്കാരം അങ്കമാലി ബസിലിക്കയിൽ വച്ച് നടന്നു. ആന്നിസാണ് ഭാര്യ. ഉല്ലാസ് ജോസ്, ദീപ ജോസ് എന്നിവരാണ് മറ്റ് മക്കൾ.

ലിജോ ജോസ് പെല്ലിശ്ശേരിയുടെ സംവിധാനത്തിൽ ഇന്ദ്രജിത്ത് നായകനായി 2010-ൽ പുറത്തിറങ്ങിയ നായകൻ എന്ന സിനിമയിലൂടെയാണ് ചെമ്പൻ വിനോദ് ജോസ് അഭിനയരംഗത്ത് എത്തുന്നത്. തുടർന്ന് ആമേൻ, ടമാർ പഠാർ, സപ്തമശ്രീ തസ്കര എന്നീ ചിത്രങ്ങളിലൂടെ ശ്രദ്ധേയനായി. 2017ൽ ലിജോ ജോസ് പെല്ലിശ്ശേരി തന്നെ സംവിധാനം ചെയ്ത അങ്കമാലി ഡയറീസിന്റെ തിരക്കഥ രചിച്ചിട്ടുണ്ട്. 2018ൽ പുറത്തിറങ്ങിയ ഗോലിസോഡ 2 ആണ് ആദ്യത്തെ തമിഴ് ചിത്രം.