സോയ കഴിച്ചാൽ നിങ്ങളുടെ ശരീരത്തിലുണ്ടാകുന്ന മാറ്റങ്ങൾ ഇങ്ങനെ

വെജിറ്റബിൾ മീറ്റ് എന്നാണു വിശേഷിപ്പിക്കുന്ന സോയാബീന്‍ പ്രോട്ടീന്റെ പ്രധാന സ്രോതസ്സാണ്. ഇത് ഉപാപചയ പ്രവര്‍ത്തനത്തിന് വലിയ ഉത്തേജനം നല്‍കുന്നു. സോയാബീനില്‍ നിന്നുള്ള പ്രോട്ടീനുകള്‍ ശരിയായ ആരോഗ്യവും കോശ വളര്‍ച്ചയും ഉറപ്പാക്കുന്നു.ആരോഗ്യത്തിന് വളരെ ഉപയോഗപ്രദമായ സോയാബീന്‍ കൃഷി ചെയ്യാനും എളുപ്പമാണ്. സോയ പാല്‍, ടെക്സ്ചര്‍ ചെയ്ത പച്ചക്കറി പ്രോട്ടീന്‍, സോയാ ചങ്ക്‌സ് തുടങ്ങിയ രൂപങ്ങളിലാണ് ഈ പയറുവര്‍ഗം കൂടുതലായി ഉപയോഗിക്കുന്നത്.ശരീരത്തിന് ജീവൻ നിലനിർത്താൻ ആവശ്യമായ പോളിഅൺസാച്ചുറേറ്റഡ് ഫാറ്റി ആസിഡുകൾ സോയയിൽ അടങ്ങിയിട്ടുണ്ട്. സോയാബീൻ എണ്ണയിൽ ഫോസ്ഫോളിപിഡുകൾ അടങ്ങിയിട്ടുണ്ട്, ഇത് കരളിനെ ശുദ്ധീകരിക്കാനും ആന്റിഓക്‌സിഡന്റ് ഫലമുണ്ടാക്കാനും പ്രമേഹത്തിന് ഗുണം ചെയ്യും. സോയ കഴിക്കുന്നത് ശരീരത്തിലെ മോശം കൊളസ്ട്രോളിന്റെ അളവ് കുറയ്ക്കും.