SignIn
Kerala Kaumudi Online
Monday, 04 July 2022 5.47 PM IST

തിരിച്ചുവരവിന്റെ ട്രാക്കിൽ പെട്രോൾ, ഡീസൽ ഉപഭോഗം

petrol

കൊച്ചി: ആഭ്യന്തര സമ്പദ്‌രംഗം ഉണർവിലേറുന്നുവെന്ന സൂചനനൽകി പെട്രോൾ, ഡീസൽ ഉപഭോഗം ഉയരുന്നു. വ്യവസായമേഖല വീണ്ടും നേട്ടത്തിന്റെ ട്രാക്കിലായതും കാർഷികരംഗത്ത് വിളവെടുപ്പ് സീസണിന് തുടക്കമായതുമാണ് പ്രധാന ഊർജം. ഈമാസത്തെ ആദ്യ രണ്ടാഴ്‌ചയിൽ പെട്രോൾ വില്പന ഏപ്രിലിലെ സമാനകാലത്തേക്കാൾ 14 ശതമാനം വർദ്ധിച്ചു; 1.8 ശതമാനമാണ് ഡീസൽ വില്പന വർദ്ധന.

അതേസമയം, വില കുതിച്ചുയർന്ന പശ്ചാത്തലത്തിൽ പാചകവാതക (എൽ.പി.ജി) ഉപഭോഗം 2.8 ശതമാനം കുറഞ്ഞു. ഈമാസം ഒന്നുമുതൽ 15 വരെയുള്ള കണക്കുപ്രകാരം പൊതുമേഖലാ എണ്ണവിതരണ കമ്പനികൾ വിറ്റഴിച്ചത് 1.28 മില്യൺ ടൺ പെട്രോളാണ്. 2021ലെ സമാനകാലത്തേക്കാൾ 59.7 ശതമാനം അധികമാണിത്. കൊവിഡ് പ്രതിസന്ധി ഇല്ലാതിരുന്ന 2019ലെ സമാനകാലത്തേക്കാൾ 16.3 ശതമാനം വളർച്ചയുമുണ്ട്. ഇക്കഴിഞ്ഞ ഏപ്രിലിലെ ആദ്യ രണ്ടാഴ്ചയിൽ ഉപഭോഗം 1.12 മില്യൺ ടണ്ണായിരുന്നു.

ഡീസൽ വില്പന 2021ലെ സമാനകാലത്തേക്കാൾ 37.8 ശതമാനം ഉയർന്നു. 2019ലെ സമാനകാലത്തേക്കാൾ 1.5 ശതമാനം കുറവുമാണ്. 3.05 മില്യൺ ടണ്ണാണ് ഇക്കുറി വില്പന; ഏപ്രിലിലെ ആദ്യ രണ്ടാഴ്‌ചയിൽ 2.99 മില്യൺ ടണ്ണായിരുന്നു. എൽ.പി.ജി വില്പന 2021നേക്കാൾ 5.4 ശതമാനവും 2020നേക്കാൾ 12 ശതമാനവും കുറഞ്ഞു; എന്നാൽ, 2019ലെ സമാനകാലത്തേക്കാൾ 9.4 ശതമാനം മെച്ചപ്പെട്ടു. വിമാന ഇന്ധന (ജെറ്റ് ഫ്യുവൽ) വില്പന 83.5 ശതമാനം മുന്നേറിയെങ്കിലും 2019നേക്കാൾ 18.7 ശതമാനം കുറവാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, PETROL, DIESEL
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.