SignIn
Kerala Kaumudi Online
Friday, 01 July 2022 1.04 AM IST

ഉദ്ദേശിച്ചത് കെജിഎഫ് സ്റ്റൈലിൽ തോക്ക് ചൂണ്ടിയുള്ള റീൽസ് ഷൂട്ട്, അബദ്ധത്തിൽ വെടിപൊട്ടി കൊണ്ടത് വക്കീലിന്റെ നെറ്റിയിൽ, പിന്നെ നടന്നത് ഒന്നും പറയേണ്ട

gun

കൊച്ചി: ഉദ്ദേശിച്ചത് എയർഗൺ നീട്ടി സിനിമാ സ്റ്റൈലിൽ ഷൂട്ടിംഗ് രംഗം. കിറുകൃത്യമായിരുന്നു വരവും ആക്ഷനുമെല്ലാം. തകർത്തഭിനയിച്ചപ്പോൾ കാഞ്ചിയിലെ പിടിത്തം മുറുകി വെടിപൊട്ടിപ്പോയി. കൊണ്ടത് സമീപത്തെ ഹോട്ടലിൽ ഭക്ഷണം കഴിച്ചിരുന്ന അഭിഭാഷകന്റെ നെറ്റിയിൽ! പാലാരിവട്ടത്ത് ശനിയാഴ്ച അർദ്ധരാത്രി 'ഇൻസ്റ്റാഗ്രാം റീൽസ്' ഷൂട്ടിംഗിനിടെയുണ്ടായ വെടിവയ്പ് കേസിൽ അറസ്റ്റിലായ യുവാക്കളുടെ മൊഴിയാണിത്.

കളമശേരി കുറ്റിക്കാട്ടുകര പുതിയറോഡ് വസന്തവിഹാറിൽ അർജുൻ (22), കറുകപ്പള്ളി കണറ്റിൻകരതുണ്ടിയിൽ ഉബൈസ് (29) എന്നിവരാണ് ഇന്നലെ രാവിലെ പൊലീസിന്റെ പിടിയിലായത്. രണ്ടുപേർ ഒളിവിലാണ്. ഇവർക്കായി അന്വേഷണം ആരംഭിച്ചിട്ടുണ്ട്. പരിക്കേറ്റ പറവൂർ സ്വദേശിയായ അഭിഭാഷകൻ അജ്മലിന്റെ പരാതിയിലാണ് അറസ്റ്റ്.

ആറുമാസം മുമ്പ് കൊച്ചിയിലെ കടയിൽ നിന്ന് 4,500 രൂപയ്ക്കാണ് അർജുൻ എയർഗൺ വാങ്ങിയത്. കൈത്തോക്കിന് സമാനമായ ഗണ്ണിന്റെ നിറം മാറ്റിയത് സുഹൃത്തുക്കളെ കാണിക്കാനാണ് തോക്കുമായി പാലാരിവട്ടത്ത് എത്തിയത്. ഇതിനിടെയായിരുന്നു റീൽസ് ഷൂട്ടും കൈയബദ്ധവും.

ഒരു സംഘടനയുടെ സമ്മേളനത്തിൽ പങ്കെടുക്കാനാണ് അജ്മലും സുഹൃത്തും കൊച്ചിയിൽ എത്തിയത്. ആശുപത്രിയിൽ നിന്നാണ് പൊലീസിന് വിവരം അറിയിച്ചത്. പരിസരത്ത് നാലോളം യുവാക്കളുണ്ടായിരുന്നെന്നും ഇതിലൊരാളുടെ കൈയിൽ പിസ്റ്റൾ കണ്ടെന്നുമുള്ള അജ്മലിന്റെ മൊഴിയിൽ പാലാരിവട്ടം പൊലീസ് സ്ഥലത്തെത്തി സി.സി.ടിവി പരിശോധിച്ചാണ് പ്രതികളെ കണ്ടെത്തിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, KGF, REELS, INSTAGRAM, AIRGUN, KERALA
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.