SignIn
Kerala Kaumudi Online
Thursday, 06 October 2022 11.27 PM IST

ഇന്ത്യക്കാർക്ക് ഇപ്പോഴും ഹാർലിയോട് പെരുത്തിഷ്ടം

drivers-cabin

കൊച്ചി: ഇന്ത്യയിൽ നിന്ന് കൂടൊഴിഞ്ഞ് ഹാർലി പോയെങ്കിലും കൈവിടാതെ ഇന്ത്യക്കാർ.1000 സി.സിക്കും അതിനുമുകളിലും എൻജിൻ കപ്പാസിറ്റിയുള്ള മോട്ടോർസൈക്കിൾ ശ്രേണിയിൽ 2021-22ലും ഒന്നാംസ്ഥാനം അമേരിക്കൻ അത്യാഡംബര മോട്ടോർസൈക്കിൾ ബ്രാൻഡായ ഹാർലി-ഡേവിഡ്‌സൺ നിലനിറുത്തി.
മാത്രമല്ല,​ 2020-21ലെ 27 ശതമാനത്തിൽ നിന്ന് വിപണിവിഹിതം 37 ശതമാനമായി ഉയർത്തുകയും ചെയ്‌തു.
2020ലാണ് ഇന്ത്യയിലെ നേരിട്ടുള്ള വില്പന അവസാനിപ്പിച്ച് ഹാർലി മടങ്ങിയത്. ആവർഷം ഒക്‌ടോബറിൽ ഹാർലിയുടെ ബൈക്കുകൾ,​ സ്‌പെയർപാർട്‌സ്,​ ആക്‌സസറീസ് എന്നിവയുടെ വില്പന ഹീറോ മോട്ടോകോർപ്പ് ഏറ്റെടുത്തത്.
വാഹന നിർമ്മാതാക്കളുടെ കൂട്ടായ്‌മയായ സൊസൈറ്റി ഒഫ് ഇന്ത്യൻ ഓട്ടോമൊബൈൽ മാനുഫാക്‌ചറേഴ്‌സിന്റെ റിപ്പോർട്ടുപ്രകാരം 2021-22ൽ ഇന്ത്യയിൽ 601 യൂണിറ്റുകളാണ് ഹാർലി വിറ്റഴിച്ചത്. ഇതിൽ 531 യൂണിറ്റുകളും 1000 സി.സിക്കും അതിനുമുകളിലുമുള്ള ശ്രേണിയിലായിരുന്നു.
സാഹസികയാത്രകൾ ഇഷ്‌ടപ്പെടുന്നവർക്കായി അഡ്വഞ്ചർ ടൂറിംഗ് ശ്രേണിയിൽ അവതരിപ്പിച്ച പാൻ അമേരിക്ക 1250 സ്‌പെഷ്യൽ,​ സ്പോർട്‌സ്‌റ്റർ എസ് എന്നീ മോട്ടോർബൈക്കുകൾക്കാണ് ഇന്ത്യയിൽ ഏറെ സ്വീകാര്യത ലഭിച്ചത്. 2020-21ൽ ഇന്ത്യയിൽ ഹാർലിയുടെ ആകെ വില്പന 206 യൂണിറ്റുകളായിരുന്നു.
ട്രയംഫ് (336 യൂണിറ്റുകൾ)​,​ കവാസാക്കി മോട്ടോഴ്സ് (283)​,​ സുസുക്കി മോട്ടോർസൈക്കിൾസ് (233)​,​ ഹോണ്ട മോട്ടോർസൈക്കിൾസ് (71)​ എന്നിവയെയാണ് ശ്രേണിയിൽ കഴിഞ്ഞ സാമ്പത്തികവർഷം ഹാർലി പിന്തള്ളിയത്. പ്രത്യേക വിഭാഗം തന്നെ രൂപീകരിച്ച് ഹീറോ നടത്തിയ വില്പനതന്ത്രങ്ങളാണ് തുടർച്ചയായ രണ്ടാംവർഷവും ഇന്ത്യൻ വിപണിയിൽ 1000 സി.സി പ്ളസ് ശ്രേണിയിൽ നായകസ്ഥാനം നിലനിറുത്താൻ സഹായിച്ചതെന്ന് ഹാർലി വ്യക്തമാക്കി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, DRIVERS CABIN
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.