സിനിമാതാരങ്ങളും വ്യവസായികളും ഉൾപ്പെടെയുള്ള സെലിബ്രിറ്റികൾക്ക് മാത്രമല്ല. ഇവർക്കും കിട്ടും ഗോൾഡൻ വിസ; പ്രഖ്യാപനവുമായി ദുബായ് കിരീടാവകാശി

ദുബായ് : മികച്ച വിദ്യാർത്ഥികൾക്ക് ഗോൾഡൻ വിസയും സ്കോളർഷിപ്പും പ്രഖ്യാപിച്ച് ദുബായ് കിരീടാവകാശി ഷെയ്‌ഖ് ഹാംദാൻ ബിൻ മുഹമ്മദ് ബിൻ റാഷിദ് അൽ മക്‌തൂം. ഏറ്റവും മികച്ച എമിറാത്തി ഗ്രേഡ് 12 വിദ്യാർത്ഥികൾക്കാണ് സ്കോളർഷിപ്പ് നൽകുകയെന്ന് എക്സിക്യുട്ടീവ് കൗൺസിൽ ചെയർമാൻ കൂടിയായ ഷെയ്‌ഖ് ഹാംദാൻ അറിയിച്ചു.

മികവു പുലർത്തുന്ന പ്രവാസികളുടെ മക്കൾക്കും അവരുടെ കുടുംബത്തിനും 10 വർഷത്തെ ഗോൾഡൻ വിസ അനുവദിക്കും,​ 50 ഹൈസ്കൂൾ വിദ്യാർത്ഥികൾക്ക് കാഷ് പ്രൈസും നൽകും. കഴിഞ്ഞ വർഷം മുതൽ 12-ാം ക്ലാസിൽ മികച്ച വിജയം നേടുന്ന വിദ്യാർത്ഥികൾക്ക് ഗോൾഡൻ വിസ നൽകിവരുന്നുണ്ട്.