മൊറാദാബാദ് : ഇന്ത്യയുടെ ആദ്യ മനുഷ്യ ബഹിരാകാശ ദൗത്യമായ ഗഗൻയാന്റെ തയ്യാറെടുപ്പുകൾ പൂർത്തിയായെന്നും അടുത്ത വർഷം ബഹിരാകാശത്തേയ്ക്ക് പോകാൻ സജ്ജമാണെന്നും കേന്ദ്ര ശാസ്ത്ര സാങ്കേതിക വകുപ്പ് മന്ത്രി ജിതേന്ദ്ര സിംഗ് അറിയിച്ചു. മിഷന്റെ ട്രയലുകൾ ഈ വർഷം അവസാനം ഉണ്ടാകും. ഇതോടെ മനുഷ്യ ബഹിരാകാശ ദൗത്യം നിർവഹിക്കുന്ന നാലാമത്തെ രാജ്യമായി ഇന്ത്യ മാറും. 2022 അവസാനത്തോടെ നടക്കേണ്ടിയിരുന്ന മിഷൻ കൊവിഡ് മഹാമാരിയെ തുടർന്ന് നീട്ടി വയ്ക്കുകയായിരുന്നു. ഐ.എസ്.ആർ.ഒയുടെ ഈ ദൗത്യം രാജ്യത്തിന്റെ ശാസ്ത്ര സാങ്കേതിക പുരോഗതിക്ക് ഒരു മുതൽക്കൂട്ടായിരിക്കുമെന്നും അദ്ദേഹം അഭിപ്രായപ്പെട്ടു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |