മരുന്നുതളി പ്രദർശന ഉദ്ഘാടനം

പത്തനംതിട്ട : കാർഷിക വികസന കർഷക ക്ഷേമവകുപ്പിന്റെ സ്മാം പദ്ധതി പ്രകാരം ഡ്രോൺ ഉപയോഗിച്ച് നെൽപാടത്ത് മരുന്നുതളി പ്രദർശന ഉദ്ഘാടനം വളളിക്കോട് തലച്ചേമ്പ് പാടശേഖരത്ത് കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി നിർവഹിച്ചു. വള്ളി​ക്കോട് ഗ്രാമപഞ്ചായത്ത് പ്രസിഡന്റ് ആർ.മോഹനൻ നായർ അദ്ധ്യക്ഷതവഹിച്ച യോഗത്തിൽ ജില്ലാ കൃഷി ഓഫീസർ ഡി.ഷീല പദ്ധതി വിശദീകരണം നടത്തി. ഡ്രോണിന്റെ പ്രവർത്തനങ്ങളെ സംബന്ധിച്ചുളള വിശദീകരണം കൃഷി അസി.എക്‌സിക്യൂട്ടീവ് എൻജി​നീയർ ജി.ജയപ്രകാശ് നൽകി. ഗ്രാമപഞ്ചായത്ത് വൈസ് പ്രസിഡന്റ് സോജി.പി.ജോൺ, സ്റ്റാൻഡിംഗ് കമ്മിറ്റി ചെയർമാന്മാരായ ജി.സുഭാഷ്, എൻ.ഗീതാകുമാരി, നിർവഹണ ഉദ്യോഗസ്ഥർ, പാടശേഖര സമിതി ഭാരവാഹികൾ തുടങ്ങിയവർ പങ്കെടുത്തു.