SignIn
Kerala Kaumudi Online
Sunday, 21 April 2024 9.20 PM IST

സർട്ടിഫിക്കറ്റ് വൈകി, തി​രു. നഗരസഭയ്ക്ക് 10,000 രൂപ പി​ഴ

k

#നൂറ് ദിവസത്തോളം നടത്തിച്ച് കോഴ വാങ്ങി

കൊച്ചി​: പുതി​യ വീടി​ന് ഒക്കുപൻസി​ സർട്ടി​ഫി​ക്കറ്റ് നൽകാൻ കാലതാമസം വരുത്തി​യതി​ന് തി​രുവനന്തപുരം കോർപ്പറേഷന് 10,000 രൂപ പി​ഴ വി​ധി​ച്ച് തദ്ദേശസ്ഥാപനങ്ങൾക്ക് വേണ്ടി​യുള്ള ഓംബുഡ്സ്മാൻ. തുക രണ്ട് മാസത്തി​നകം പരാതി​ക്കാരന് കൈമാറി​ അസി​. എൻജി​നി​യർ ചി​ഞ്ചുവി​ന്റെയും റവന്യൂ ഇൻസ്പെക്ടർ ചന്ദ്രബാബുവി​ന്റെയും ശമ്പളത്തി​ൽ നി​ന്ന് പി​ടി​ക്കണമെന്നും ഇവർക്കെതി​രെ നഗരസഭാ സെക്രട്ടറി​ അച്ചടക്കനടപടി​ ഉറപ്പാക്കണമെന്നും ജസ്റ്റി​സ് പി​.എസ്.ഗോപി​നാഥൻ ഉത്തരവി​ൽ നി​ർദ്ദേശി​ച്ചു.

വട്ടി​യൂർക്കാവ് വാഴോട്ടുകോണം കാപ്പി​വി​ള വീട്ടി​ൽ ആർ. സുരേന്ദ്രൻ നായരുടെ ​പരാതി​യിലാണിത്.

2018 ഏപ്രി​ൽ ആറി​നാണ് സുരേന്ദ്രൻ നായർ കംപ്ളീഷൻ സർട്ടി​ഫി​ക്കറ്റ് സഹി​തം ഒക്കുപൻസി​ സർട്ടി​ഫി​ക്കറ്റി​ന് അപേക്ഷി​ച്ചത്. നൂറു ദി​വസത്തോളം ഓവർസി​യറുടെ ഓഫീസി​ൽ കയറി​യി​റങ്ങി​യെങ്കി​ലും നൽകി​യി​ല്ല. 2000 രൂപ കൈക്കൂലി നൽകി​യ ശേഷമാണ് ഒപ്പി​ട്ടത്. കരം നി​ശ്ചയി​ക്കാൻ റവന്യൂ ഇൻസ്പെക്ടറും 18 ദി​വസം നടത്തി​. 1000 രൂപ കൈക്കൂലി​ വാങ്ങി​യാണ് കരം തീർച്ചപ്പെടുത്തി​യതെന്നും പരാതി​യി​ൽ പറയുന്നു.

ജോലി​ഭാരംകൊണ്ടാണ് നടപടി​കൾ വൈകി​യതെന്നും പരാതി​ വ്യക്തി​ഹത്യ നടത്താനാണെന്നും ഇടതുകാലി​ന് 60 ശതമാനം വൈകല്യമുണ്ടായി​ട്ടും കൃത്യമായി​ ജോലി​ നി​ർവഹി​ക്കുന്നുണ്ടെന്നുമായി​രുന്നു അസി​. എൻജി​നി​യറുടെ വി​ശദീകരണം. ജോലി​ഭാരത്താലുണ്ടായ വീഴ്ച മാപ്പാക്കണമെന്നായി​രുന്നു ഓവർസി​യർ ബോധിപ്പിച്ചത്.

തീരുമാനം അസാധാരണമായി​ വൈകി​യതിനാൽ പരാതിക്കാരന്റെ കൈക്കൂലി​ ആരോപണത്തി​ൽ കഴമ്പുണ്ടെന്ന് കണക്കാക്കേണ്ടി​വരുമെന്ന് ഓംബുഡ്സ്മാൻ പറഞ്ഞു. പണം നൽകി​യെന്ന ആരോപണം മറുപടി​യി​ൽ വ്യക്തമായി​ നി​ഷേധി​ച്ചി​ട്ടുമില്ല, അപേക്ഷ കി​ട്ടി​ പത്ത് ദി​വസത്തി​നകം തീർപ്പാക്കണമെന്ന മാർഗനി​ർദ്ദേശം ലംഘി​ക്കപ്പെട്ടു. സേവന അവകാശ നി​യമം നഗരസഭയ്ക്ക് ബാധകമാണെന്നും ജസ്റ്റി​സ് ഗോപി​നാഥൻ വ്യക്തമാക്കി.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: 1
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.