അമ്പലപ്പുഴ: അമ്പലപ്പുഴ ക്ഷേത്രത്തിന് സമീപം വീട് നിർമ്മാണത്തിനിടെ പാമ്പുകടിയേറ്റ് ചികിത്സയിലായിരുന്ന ബീഹാർ സ്വദേശി മരിച്ചു. ബീഹാർ വെസ്റ്റ് ചമ്പാരൻ ദൂംനഗറിൽ ഇദ്രിഷ്‌മിയാൻ (37) ആണ് മരിച്ചത്. കഴിഞ്ഞ 27ന് ആയി​രുന്നു സംഭവം. ഉടൻ തന്നെ തൊഴിലാളികൾ ആലപ്പുഴ മെഡി. ആശുപത്രിയിൽ എത്തിച്ചു. ചികിത്സയിലിരിക്കെ വ്യാഴാഴ്ച പുലർച്ചെ മരിച്ചു.

കാക്കാഴത്ത് മറ്റ് അന്യസംസ്ഥാന തൊഴിലാളികൾക്കൊപ്പമായി​രുന്നു താമസം. പൊതുപ്രവർത്തകരായ നിസാർ വെള്ളാപ്പള്ളി, കൺസ്ട്രക്ഷൻ മേഖലയിലെ ജീവനക്കാരായ മുനീർ, സമീർ, സമദ്, സുഹൈൽ തുടങ്ങിയവരാണ് മൃതദേഹം നാട്ടിലെത്തിക്കാൻ മുൻകൈ എടുത്തത്. കോട്ടയത്ത് മൃതദേഹം എംബാം ചെയ്ത് ഇന്ന് നെടുമ്പാശേരി എയർപോർട്ടിൽ നിന്നു പാറ്റ്ന വിമാനത്താവളത്തിലെത്തിച്ച് റോഡുമാർഗം വീട്ടിലെത്തിക്കും. ഭാര്യ: കുര്യഷഖാത്തുൻ. മക്കൾ: സാഹിൽ, ആലം