ന്യൂഡൽഹി : റിട്ടയർമെന്റിന് തൊട്ടു പിന്നാലെ ജഡ്ജിമാർ രാഷ്ട്രീയ നിയമനങ്ങൾ സ്വീകരിക്കുന്നത് ജുഡിഷ്യറിയുടെ സ്വതന്ത്ര സ്വഭാവത്തെക്കുറിച്ച് ജനങ്ങളിൽ സംശയങ്ങളുണ്ടാക്കുന്നതായി ചൂണ്ടിക്കാട്ടി സുപ്രീംകോടതിയിൽ പൊതുതാത്പര്യ ഹർജി. റിട്ടയർമെന്റിന് ശേഷം രണ്ടുവർഷത്തെ ഇടവേളയ്ക്ക് ശേഷം മാത്രമേ രാഷ്ട്രീയ നിയമനങ്ങൾ സ്വീകരിക്കാൻ പാടുള്ളൂവെന്ന് പ്രഖ്യാപിക്കണമെന്ന് ആവശ്യപ്പെട്ട് ബോംബെ ലായേഴ്സ് അസോസിയേഷനാണ് ഹർജി സമർപ്പിച്ചത്. മുൻ ചീഫ് ജസ്റ്റിസ് പി. സദാശിവം കേരള ഗവർണറായതും രഞ്ജൻ ഗൊഗൊയ് രാജ്യസഭാ എം.പിയായതും ജസ്റ്റിസ് എസ്. അബ്ദുൾ നസീർ ആന്ധ്രാപ്രദേശ് ഗവർണറായി നിയമിതനായതും ഹർജിയിൽ ചൂണ്ടിക്കാട്ടിയിട്ടുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |