കൊടുങ്ങല്ലൂർ: ജെ.സി.ബി ഉപയോഗിച്ച് മണ്ണെടുക്കുന്നതിനിടെ പരിക്കേറ്റ മൂർഖൻ പാമ്പിനെ ശസ്ത്രക്രിയയ്ക്ക് വിധേയമാക്കി. ഇന്നലെ രാവിലെ പതിനൊന്നരയോടെ മേത്തല കൊന്നച്ചുവടിന് സമീപം വഴി നന്നാക്കുന്നതിനിടെയാണ് ജെ.സി.ബിയുടെ ലോഡർ ബക്കറ്റ് തട്ടി പുല്ലാനി മൂർഖന് പരിക്കേറ്റത്. തുടർന്ന് പരിസ്ഥിതി പ്രവർത്തകനായ താഹിർ അഴീക്കോട് പാമ്പിനെ കൊടുങ്ങല്ലൂർ വെറ്ററിനറി ആശുപത്രിയിലെത്തിച്ചു. നട്ടെല്ലിന് ഗുരുതര പരിക്കേറ്റ പാമ്പിനെ വെറ്ററിനറി സർജൻ ഡോ. സന്തോഷ് കുമാറിന്റെ നേതൃത്വത്തിൽ ഡോക്ടർമാരായ ഗൗതം, കാവ്യ, ഹർഷ, കീർത്തന, ജിൻസി, സ്നേഹ എന്നിവരടങ്ങിയ സംഘം ശസ്ത്രക്രിയ നടത്തി. വിദഗ്ദ്ധ ചികിത്സയ്ക്കായി മണ്ണുത്തി വെറ്ററിനറി സർവകലാശാലയിൽ എത്തിക്കുന്നതിനായി പാമ്പിനെ വനം വകുപ്പിന് കൈമാറി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |