തൃശൂർ: തിരെഞ്ഞെടുപ്പ് അടുത്തതോടെ എം.പിയെന്ന നിലയിലുള്ള പരാജയം മറയ്ക്കാൻ ടി.എൻ. പ്രതാപൻ വിഭജന തന്ത്രവുമായി ഇറങ്ങുകയാണെന്ന് ബി.ജെ.പി ജില്ലാ പ്രസിഡന്റ് അഡ്വ. കെ.കെ. അനീഷ്കുമാർ. അഞ്ചുവർഷം എം.പിയായിരുന്നിട്ടും ഒരു പദ്ധതി പോലും തൃശൂരിൽ കൊണ്ടുവരാൻ കഴിഞ്ഞിട്ടില്ല. മോദി സർക്കാർ രാജ്യത്താകമാനം നടപ്പാക്കുന്ന റെയിൽവേ വികസനത്തിന്റെ ക്രെഡിറ്റ് അടിച്ചെടുക്കാൻ ശ്രമിക്കുകയാണ്. വലിയ റെയിൽവേ സ്റ്റേഷനുകൾ അമൃത് ഭാരത് പദ്ധതിയിൽ ഉൾപ്പെടുത്തി വിമാനത്താവള നിലവാരത്തിലേക്ക് ഉയർത്തുന്ന പദ്ധതിപോലും തന്റെ പരിശ്രമം കൊണ്ടാണെന്ന് അവകാശപ്പെടുന്നത് അൽപ്പത്തരമാണ്. ക്രിസ്ത്യൻ പള്ളികൾ ആക്രമിക്കാനും പിടിച്ചെടുക്കാനും പോകുന്നുവെന്ന് വിശ്വാസികൾക്കിടയിൽ ഭീതി പടർത്തി വോട്ട് തട്ടാനാണ് പ്രതാപന്റെ തട്ടിപ്പ് യാത്ര. ക്രൈസ്തവരുടെ ആരാധനാലയങ്ങൾക്ക് ഭീഷണിയുണ്ടെന്നത് പ്രതാപൻ നടത്തുന്നത് കള്ളപ്രചാരണമാണ്. ക്രൈസ്തവ വിശ്വാസികൾക്കെതിരായ ഏത് നീക്കത്തെയുംനേരിടാൻ ബി.ജെ.പി മുന്നിലുണ്ടാകുമെന്നും അനീഷ് കുമാർ പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |