മൊഹാലി: മത്സരത്തിനിടെ അച്ചടക്ക ലംഘനം നടത്തിയെന്ന് കണ്ടെത്തിയതിനെത്തുടർന്ന് മുംബയ് ഇന്ത്യൻസിന്റെ ബാറ്റിംഗ് കോച്ച് കീറോൺ പൊള്ളാർഡിനും ഓൾറൗണ്ടർ ടിം ഡേവിഡിനും മാച്ച് ഫീസിന്റെ 20 ശതമാനംപിഴ ശിക്ഷ. കഴിഞ്ഞ ദിവസം നടന്ന പഞ്ചാബ് -മുംബയ് മത്സരത്തിനിടെ ഡഗൗട്ടിലിരുന്ന് ഡി.ആർ.എസ് എടുക്കുന്നതിനായി ഗ്രൗണ്ടിലേക്ക് നിർദ്ദേശം നൽകിയതായി കണ്ടെത്തിയതിനെത്തുടർന്നാണ് ഇരുവർക്കും പിഴശിക്ഷ ലഭിച്ചത്.
ടിം ഡേവിഡും പൊള്ളാർഡും ഐ.പി.എൽ ചട്ടത്തിലെ ലെവൽ 1 കുറ്റമാണു ചെയ്തതെന്ന് ഐ.പി.എൽ അധികൃതർ പ്രസ്താവനയിൽ അറിയിച്ചു. സംഭവത്തിൽ നടപടി വേണമെന്ന് പഞ്ചാബ് ക്യാപ്ടൻ സാം കറൻ ആവശ്യപ്പെട്ടിരുന്നു.
ഇരുവരും ടിവി റീപ്ലേ നോക്കിയ ശേഷമാണ് ഗ്രൗണ്ടിലേക്ക് ഡി.ആർ.എസ് എടുക്കാൻ ആവശ്യപ്പെട്ടതെന്ന് ആരോപണമുയർന്നിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |