SignIn
Kerala Kaumudi Online
Monday, 22 July 2024 1.11 AM IST

ട്വന്റി-20യും വിട്ട് വാർണർ

warner

ബ്രിഡ്ജ്ടൗൺ : ഇന്ത്യയോട് തോറ്റ് ലോകകപ്പിൽ നിന്ന് പുറത്തായതിന് പിന്നാലെ ട്വന്റി-20 ഫോർമാറ്റിലെ അന്താരാഷ്ട്ര മത്സരങ്ങളിൽ നിന്നും വിരമിക്കൽ പ്രഖ്യാപിച്ച് ഓസ്ട്രേലിയൻ വെടിക്കെട്ട് ഓപ്പണർ ഡേവിഡ് വാർണർ. ക്രിക്കറ്റിന്റെ മൂന്ന് ഫോർമാറ്റുകളിലും ഓപ്പണറായി തിളങ്ങിയ വാർണർ 2015,2023 ഏകദിന ലോകകപ്പുകളും 2021ലെ ട്വന്റി-20 ലോകകപ്പും നേടിയ ഓസ്‌ട്രേലിയൻ ടീമുകളിൽ അംഗമായിരുന്നു. 2021 ലോകകപ്പിലെ പ്ളേയർ ഒഫ് ദ ടൂർണമെന്റും വാർണറായിരുന്നു. 2021-2023 ഐ.സി.സി ലോക ടെസ്റ്റ് ചാമ്പ്യൻഷിപ്പും ഓസീസ് കുപ്പായത്തിൽ സ്വന്തമാക്കി.

ഇന്ത്യയ്‌ക്കെതിരായ 2023 ഏകദിന ലോകകപ്പ് ഫൈനലാണ് അവസാനത്തെ ഏകദിനമത്സരം. 2023 ലോകകപ്പിൽ 11 കളികളിൽ നിന്നായി 535 റൺസാണ് താരം നേടിയത്. ഈ ട്വന്റി-20 ലോകകപ്പിൽ ഏഴ് മത്സരങ്ങളിൽ നിന്ന് രണ്ട് അർദ്ധസെഞ്ച്വറികളടക്കം 178 റൺസാണ് നേടിയത്.

2009ൽ ദക്ഷിണാഫ്രിക്കയ്‌ക്കെതിരേയാണ് ട്വന്റി-20 യിലെ അരങ്ങേറ്റം. ഒന്നരപ്പതിറ്റാണ്ടോളം ഓസീസിന്റെ നെടുംതൂണായി വാർണറുണ്ടായിരുന്നു. 112 ടെസ്റ്റ് മത്സരങ്ങളിൽ നിന്ന് 8786 റൺസെടുത്ത വാർണർ ഏകദിനത്തിൽ 161 മത്സരങ്ങളിൽ നിന്നായി 6932 റൺസുംട്വന്റി-20യിൽ 110 മത്സരങ്ങളിൽ നിന്ന് 3277റൺസുമെടുത്തു.

ഈ ജനുവരിയിൽ പാകിസ്ഥാനെതിരെ സിഡ്നിയിൽ തന്റെ അവസാന ടെസ്റ്റിലെ അവസാന ഇന്നിംഗ്സിൽ അർദ്ധസെഞ്ച്വറിയുമായി ഓസീസിന് വിജയം സമ്മാനിച്ചാണ് 37കാരനായ വാർണർ കളി മതിയാക്കിയത്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, SPORTS, WARNER
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.