കാവഡ് യാത്ര: വിവാദ ഉത്തരവിന് സ്റ്റേ, ഹോട്ടലുടമ പേര് പ്രദർശിപ്പിക്കേണ്ട

ന്യൂഡൽഹി: കാവഡ് യാത്ര കടന്നുപോകുന്ന വഴികളിലെ ഭക്ഷണശാലകളിൽ ഉടമകളുടെ പേര് പ്രദർശിപ്പിക്കണമെന്ന ഉത്തർപ്രദേശ് - ഉത്തരാഖണ്ഡ് സർക്കാരുകളുടെ വിവാദ ഉത്തരവിന് സുപ്രീംകോടതി സ്റ്റേ. ഇരു സർക്കാരുകൾക്കും നോട്ടീസ് അയയ്ക്കാനും ഉത്തരവിട്ടു.

കാവഡ് തീർത്ഥാടകർക്ക് വിളമ്പുന്ന ഭക്ഷണമേതെന്ന് ഭക്ഷണശാലകൾക്ക് മുന്നിൽ പ്രദർശിപ്പിക്കാം. ഉടമയുടെ പേരും പ്രദർശിപ്പിക്കണമെന്ന് നി‌ർബന്ധിക്കരുതെന്ന് ജസ്റ്റിസുമാരായ ഹൃഷികേശ് റോയിയും എസ്.വി.എൻ ഭട്ടും അടങ്ങിയ ബെഞ്ച് നിർദ്ദേശം നൽകി.

മഹുവ മൊയിത്ര എം.പി, സന്നദ്ധസംഘടനയായ അസോസിയേഷൻ ഫോർ പ്രൊട്ടക്ഷൻ ഒഫ് സിവിൽ റൈറ്റ്സ്, ‌ഡൽഹി സർവകലാശാലയിലെ പ്രൊഫ. അപൂർവാനന്ദ്, ആക്‌ടിവിസ്റ്റ് ആകാർ പട്ടേൽ എന്നിവർ സമർപ്പിച്ച ഹർജികളിലാണ് നടപടി. ഹർജികൾ വെള്ളിയാഴ്ച വീണ്ടും പരിഗണിക്കും.

എല്ലാ വർഷവും ശ്രാവണമാസത്തിൽ (ജൂലായ് - ആഗസ്റ്റ്) ഹരിദ്വാർ, ഗംഗോത്രി തുടങ്ങിയ തീർത്ഥാടന കേന്ദ്രങ്ങളിലേക്കാണ് ശിവഭക്തർ കാവഡ് യാത്ര നടത്തുന്നത്.

മതേതരത്വത്തിന്

എതിര്

 ന്യൂനപക്ഷ സമുദായത്തെയും, ദലിതരെയും സാമ്പത്തികമായി ബഹിഷ്ക്കരിക്കുന്ന സാഹചര്യമാണ് സൃഷ്‌ടിച്ചിരിക്കുന്നതെന്ന് ഹർജിക്കാർ‌ വാദിച്ചു

 നൂറുകണക്കിന് പേർക്ക് തൊഴിൽ നഷ്‌ടപ്പെടും. സ്വാതന്ത്ര്യം ലഭിക്കും മുൻപും കാവഡ് യാത്രയുണ്ടായിരുന്നു. ഹോട്ടലിൽ എന്തു ഭക്ഷണം ലഭിക്കുമെന്നാണ് നോക്കിയിരുന്നത്

ഹോട്ടലുടമയുടെ പേര് ചോദിച്ചിക്കുന്നത് ഭരണഘടന ഉറപ്പുനൽകുന്ന മതേതരത്വം, സാഹോദര്യം എന്നിവ ലംഘിക്കുന്ന നടപടിയാണ്. ഇത് അനുവദിക്കരുത്

'​കേ​ര​ള​ത്തി​ൽ​ ​മു​സ്ലി​മി​ന്റെ
വെ​ജി.​ ​ഹോ​ട്ട​ൽ​ ​സൂ​പ്പ​ർ'

കേ​ര​ള​ത്തി​ൽ​ ​മു​സ്ലി​മി​ന്റെ
വെ​ജി.​ ​ഹോ​ട്ട​ൽ​ ​സൂ​പ്പർ
കേ​ര​ള​ത്തി​ൽ​ ​മു​സ്ലിം​ ​സ​മു​ദാ​യാം​ഗം​ ​ന​ട​ത്തു​ന്ന​ ​വെ​ജി​റ്റേ​റി​യ​ൻ​ ​ഹോ​ട്ട​ലി​ലെ​ ​നി​ത്യ​സ​ന്ദ​ർ​ശ​ക​നാ​യി​രു​ന്നു​ ​താ​നെ​ന്ന് ​സു​പ്രീം​കോ​ട​തി​ ​ജ​ഡ്‌​ജി​ ​എ​സ്.​വി.​എ​ൻ​ ​ഭ​ട്ടി.​ ​കേ​ര​ള​ ​ഹൈ​ക്കോ​ട​തി​ ​ചീ​ഫ് ​ജ​സ്റ്റി​സാ​യി​രി​ക്കെ​യു​ള്ള​ ​അ​നു​ഭ​വ​മാ​ണ് ​ഭ​ട്ടി​ ​പ​ങ്കു​വ​ച്ച​ത്.​ ​ദു​ബാ​യി​ൽ​ ​നി​ന്ന് ​മ​ട​ങ്ങി​യെ​ത്തി​ ​നാ​ട്ടി​ൽ​ ​ബി​സി​ന​സ് ​നോ​ക്കു​ന്ന​യാ​ളാ​ണ് ​ഉ​ട​മ.​ ​രാ​ജ്യാ​ന്ത​ര​ ​നി​ല​വാ​ര​മു​ള്ള​ ​ശു​ചി​ത്വം​ ​ആ​ ​ഹോ​ട്ട​ലി​നു​ണ്ടാ​യി​രു​ന്നു.​ ​ഭ​ക്ഷ​ണ​ത്തി​ന്റെ​ ​നി​ല​വാ​ര​വും​ ​മി​ക​ച്ച​താ​യി​രു​ന്നു.​ ​എ​ന്നാ​ൽ,​​​ ​ഏ​ത് ​ന​ഗ​ര​ത്തി​ലെ​ ​ഹോ​ട്ട​ലാ​ണെ​ന്ന് ​ജ​ഡ്‌​ജി​ ​വെ​ളി​പ്പെ​ടു​ത്തി​യി​ല്ല.