ചെസ് ചാമ്പ്യൻഷിപ്പ്

തിരുവനന്തപുര: സംസ്ഥാന സ്പോർട്സ് കൗൺസിൽ രൂപീകരിച്ച സ്റ്റേറ്റ് ചെസ്സ് ടെക്നിക്കൽ കമ്മിറ്റിയ്ക്കു വേണ്ടി തിരുവനന്തപുരം ജില്ലാ ഓർഗനൈസിംഗ് കമ്മിറ്റി അന്താരാഷ്ട്ര ചെസ് ദിനാചരണത്തിന്റെ ഭാഗമായി നടത്തിയ ജില്ലാ ജൂനിയർ (അണ്ടർ 19) സെലക്ഷൻ ചെസ് ചാമ്പ്യൻഷിപ്പ് തിരുവല്ലം എ.സി.ഇ കോളേജ് ഓഫ് എൻജിനിയറിംഗിൽ നടന്നു.

ഓപ്പൺ വിഭാഗത്തിൽ 115 പേരും പെൺകുട്ടികളുടെ വിഭാഗത്തിൽ 46 പേരും പങ്കെടുത്തു. ജില്ലാ സ്പോർട്സ് കൗൺസിൽ വൈസ് പ്രസിഡന്റും സൈക്കിൾ പോളോ അസോസിയേഷൻ ഭാരവാഹിയുമായ എ.എം.കെ. നിസ്സാർ എസിഇ കോളേജ് പ്രിൻസിപ്പാൾ ഡോ. സയ്യദ് ഫാറൂഖുമായി കരുക്കൾ നീക്കി ചാമ്പ്യൻഷിപ്പ് ഉദ്ഘാടനം ചെയ്തു. ഓപ്പൺ വിഭാഗത്തിൽ അനക്സ് കാഞ്ഞിരവിള ചാമ്പ്യനായി. അമാനത്ത് ഫർഹാൻ എസ്. രണ്ടാം സ്ഥാനവും അർജുൻ എസ്. അനിൽ മൂന്നാം സ്ഥാനവും ശ്രീഹരി എസ്. മേച്ചേരിൽ നാലാം സ്ഥാനവും നേടി. പെൺകുട്ടികളുടെ വിഭാഗത്തിൽ ജാൻവി അശോക് ചാമ്പ്യനായി. റിസ്‌വാന എസ്. രണ്ടാം സ്ഥാനവും ദേവികാ ദിനേശ് മൂന്നാം സ്ഥാനവും മൽഹാ എ. കെ. നാലാം സ്ഥാനവും നേടി.