10 വർഷമായി ഒളിവിൽ കഴിഞ്ഞ പ്രതി പിടിയിൽ

ആലപ്പുഴ : 10 വർഷമായി ഒളിവിൽ കഴിഞ്ഞു വന്നിരുന്ന പ്രതിയെ പൂച്ചാക്കൽ പൊലീസ് അറസ്റ്റ് ചെയ്തു. കൊല്ലം വെളിനാട് ഭാഗ്യമംഗലം വീട്ടിൽ ബിനീഷ് ബാബുവാണ് (46) പിടിയിലായത്. 2014ൽ പൂച്ചാക്കൽ സ്വദേശിയിൽ നിന്ന് വിദേശത്ത് ജോലി വാഗ്ദാനം ചെയ്തു സാമ്പത്തിക തട്ടിപ്പ് നടത്തിയ കേസിലെ പ്രതിയാണ്. തിരുവനന്തപുരം തമ്പാനൂരിൽ നിന്നാണ് പൂച്ചാക്കൽ സി.ഐ എൻ.ആർ.ജോസിന്റെ നേതൃത്വത്തിൽ സീനിയർ സി.പി.ഒമാരായ എം.അരുൺകുമാർ, ടെൽസൺ തോമസ്, സൈബിൻ ചക്രവർത്തി എന്നിവരടങ്ങുന്ന അന്വേഷണ സംഘമാണ് പ്രതിയെ അറസ്റ്റ് ചെയ്തത്.