'ചിരിക്കാത്ത അച്ചുതമേനോനും ഇണങ്ങാത്ത എം.ടിയും' പുസ്തക പ്രകാശനം

കൊട്ടാരക്കര: മുൻ മുഖ്യമന്ത്രിയും സി.പി.ഐ നേതാവുമായിരുന്ന സി.അച്ചുതമേനോന്റെ 33-ാം ചരമ വാർഷി​കത്തോടനുബന്ധി​ച്ച് പല്ലിശ്ശേരി എഴുതിയ 'ചിരിക്കാത്ത അച്ചുതമേനോനും ഇണങ്ങാത്ത എം.ടിയും' പുസ്തകം ഗാന്ധിഭവൻ സെക്രട്ടറിയും ഓർഫനേജ് കൺട്രോൾ ബോർഡ് അംഗവുമായ ഡോ.പുനലൂർ സോമരാജൻ പ്രകാശനം ചെയ്തു. പത്രപ്രവർത്തകൻ കോട്ടാത്തല ശശികുമാർ പുസ്തകം സ്വീകരിച്ചു

അക്ഷരം കലാസാഹിത്യവേദിയുടെ ആഭിമുഖ്യത്തിൽ ഗാന്ധിഭവനിൽ നടന്ന സമ്മേളനത്തിൽ ജനറൽ സെക്രട്ടറിഅഡ്വ.വി.കെ.സന്തോഷ് കുമാർ അദ്ധ്യക്ഷനായി. ഗാന്ധിഭവൻ വൈസ് ചെയർമാൻ പി.എസ്. അമൽരാജ്, ഓർഫനേജ് കൺട്രോൾ ബോർഡ് മെമ്പർ ഫാ.ജോഷ്വ, ഓർഫനേജ് കൺട്രോൾ ബോർഡ് സെക്രട്ടറി അഡ്വ.സിനു കുമാർ, ഗ്രന്ഥകാരൻ പല്ലിശ്ശേരി, കൊട്ടാരക്കര റോട്ടറി പ്രസിഡന്റ് സന്തോഷ് കുമാർ, പ്രദീപ് ഗുരുകുലം, എഴുത്തുകാരി ബിന്ദു പട്ടാഴി എന്നിവർ സംസാരിച്ചു. കഥാകാരൻ അമ്പലപ്പുറം രാമചന്ദ്രൻ സ്വാഗതം പറഞ്ഞു.