അമ്മ ജനറൽ സെക്രട്ടറി,​ സി​ദ്ദി​ഖി​ന് പകരം ബാബുരാജ്

കൊച്ചി​: താരസംഘടനയായ 'അമ്മ'യുടെ എക്സി​ക്യുട്ടീവ് യോഗം നാളെയോ മറ്റന്നാളോ ചേർന്നേക്കും. സി​ദ്ദി​ഖ് രാജി​വച്ചതിനെ തുടർന്ന് ജനറൽ സെക്രട്ടറി​യുടെ ചുമതല ജോയി​ന്റ് സെക്രട്ടറി​ ബാബുരാജി​ന് നൽകിയേക്കും. ഇന്നലെ അമ്മ ഭാരവാഹി​കൾ നടത്തി​യ കൂടിയാലോചനയി​ലാണിത്. എക്സി​ക്യുട്ടീവ് യോഗത്തി​ൽ പ്രസി​ഡന്റ് മോഹൻലാലും പങ്കെടുക്കും.

അതിനിടെ സിദ്ദിഖിന്റെ രാജിക്കത്ത് പുറത്തുവന്നു. 'എ​നി​ക്ക് ​എ​തി​രെ​ ​വ​ന്നു​കൊ​ണ്ടി​രി​ക്കു​ന്ന​ ​ആ​രോ​പ​ണ​ങ്ങ​ൾ​ ​താ​ങ്ക​ളു​ടെ​ ​ശ്ര​ദ്ധ​യി​ൽ​ ​പെ​ട്ടി​രി​ക്കു​മ​ല്ലോ.​ ​ഈ​ ​സാ​ഹ​ച​ര്യ​ത്തി​ൽ​ ​'​അ​മ്മ​'​യു​ടെ​ ​ജ​ന​റ​ൽ​ ​സെ​ക്ര​ട്ട​റി​ ​സ്ഥാ​ന​ത്തു​ ​നി​ന്ന് ​ഞാ​ൻ​ ​സ്വ​മേ​ധ​യാ​ ​രാ​ജി​ ​വ​യ്‌​ക്കു​ന്ന​താ​യി​ ​താ​ങ്ക​ളെ​ ​അ​റി​യി​ച്ചു​കൊ​ള്ള​ട്ടെ' എന്നാണ് പ്രസി​ഡന്റ് മോഹൻലാലിന് നൽകിയ കത്തിൽ പറയുന്നത്.

ഹേമ കമ്മിറ്റി റിപ്പോർട്ട് ചർച്ചചെയ്യാൻ സിനിമയിലെ സാങ്കേതിക പ്രവർത്തകരുടെ സംഘടനയായ ഫെഫ്കയുടെ യോഗങ്ങൾ 31ന് ആരംഭിക്കും. സി​നി​മാരംഗത്ത് പ്രവർത്തി​ക്കുന്ന 21 ട്രേഡ് യൂണി​യൻ സംഘടനകളുടെ കൂട്ടായ്മയാണ് ഫെഫ്ക. മൂന്നു സംഘടനകളുടെ വീതം എക്സി​ക്യുട്ടീവ് കമ്മി​റ്റി​കളാണ് ചേരുക.