ജെയിൻ സർവകലാശാലയും കരസേനയും സഹകരിക്കുന്നു

കൊച്ചി: പ്രമുഖ നാക് എ പ്ലസ് ഗ്രേഡഡ് സർവകലാശാലയായ ജെയിൻ ഡീംഡ് ടു ബി സർവകലാശാലയും കരസേനയും കരാർ ഒപ്പുവച്ചു. ബംഗളൂരുവിലെ എ.എസ്.സി സെന്റർ ആൻഡ് കോളജുമായാണ് (ആർമി സർവീസ് കോർ) ജെയിൻ ധാരണാപത്രം ഒപ്പിട്ടത്. കരാർ പ്രകാരം പട്ടാള ഉദ്യോഗസ്ഥർക്കും കുടുംബാംഗങ്ങൾക്കും ജെയിനിന്റെ ഓൺ കാമ്പസിലും ഓൺലൈൻ പ്രോഗ്രാമിലും എൻറോൾ ചെയ്യാം.
കരസേനയിൽ നിന്നു ലഭിക്കുന്ന സ്റ്റഡിലീവ് അദ്ധ്യയനത്തിന് ഉപയോഗിക്കാം. ആർമി സർവീസ് കോർ ലഫ്റ്റനന്റ് ജനറൽ ബി.കെ റെപ്‌സ്വാൾ, ജെയിൻ കല്പിത സർവകലാശാല ചാൻസലർ ഡോ. ചെൻരാജ് റോയ് ചന്ദ് എന്നിവരാണ് ധാരണാപത്രം ഒപ്പുവച്ചത്.