ബാങ്ക് ഒഫ് ബറോഡയുടെ എൻ.ആർ.ഐ സെല്ലിന് തുടക്കം

തിരുവനന്തപുരം: പ്രമുഖ പൊതുമേഖലാ ബാങ്കായ ബാങ്ക് ഒഫ് ബറോഡ പ്രവാസി ഇടപാടുകാർക്കായി ഒരുക്കിയ എൻ.ആർ.ഐ സെല്ലിന് തിരുവനന്തപുരത്ത് തുടക്കമായി. സോണൽ ഹെഡ് കെ. വെങ്കടേശൻ വിർച്വൽ പ്ളാറ്റ്‌ഫോമിൽ ഉദ്ഘാടനം ചെയ്‌തു. റീജിയണൽ ഹെഡ് ലക്ഷ്‌മി ആനന്ദ്, ഡെപ്യൂട്ടി റീജിയണൽ ഹെഡ് ആനന്ദ് കുമാർ ഝാ, പാളയം ബ്രാഞ്ച് ഹെഡ് സുബ്രഹ്മണ്യം തുടങ്ങിയവർ സംബന്ധിച്ചു.

ഏറ്റവുമധികം വിദേശ ശാഖകളുള്ള ബാങ്ക് ഒഫ് ബറോഡയുടെ തിരുവനന്തപുരം എൻ.ആർ.ഐ സെൽ പ്രവാസി മലയാളികൾക്ക് ഏറെ പ്രയോജനപ്രദമാകുമെന്ന് കെ. വെങ്കടേശൻ പറഞ്ഞു. പ്രവാസികൾക്ക് നൂതന ബാങ്കിംഗ് സേവനങ്ങളും നാട്ടിലെ മാതാപിതാക്കൾക്ക് ഡോർ സെറ്റപ്പ് ബാങ്കിംഗ് അടക്കമുള്ള സേവനങ്ങളും എൻ.ആർ.ഐ സെൽ മുഖേന ലഭിക്കുമെന്ന് ലക്ഷ്‌മി ആനന്ദ് പറഞ്ഞു.