പത്തനംതിട്ട: സഹപാഠികളായ യുവതിയെയും യുവാവിനെയും തൂങ്ങി മരിച്ച നിലയിൽ കണ്ടെത്തി. അടൂര് കുറമ്പക്കര ഉദയഗിരി പുത്തന് വീട്ടില് ജെബിന്, പുതുവല് തിരുമങ്ങാട് ചെറുമുഖത്ത് വീട്ടില് സോന മെറിന് മാത്യു എന്നിവരെയാണ് ആത്മഹത്യ ചെയ്ത നിലയിൽ കണ്ടെത്തിയത്. ഇന്നുരാവിലെയാണ് ജെബിനെ സ്വന്തം വീട്ടിലെ കിടപ്പ്മുറിയില് തൂങ്ങി മരിച്ച നിലയില് കണ്ടെത്തിയത്. ഉച്ചയോടെ സോനയേയും സ്വന്തം വീട്ടില് തൂങ്ങി മരിച്ച നിലയില് കണ്ടെത്തുകയായിരുന്നു.
പത്തനാപുരത്ത് മാനൂര് സെന്റ് സ്റ്റീഫന് കോളേജില് ഡിഗ്രിക്ക് പഠിക്കുന്ന കാലത്ത് സഹപാഠികളായിരുന്ന ഇരുവരും തമ്മില് സൗഹൃദമുണ്ടായിരുന്നുവെന്നാണ് പൊലീസ് പറയുന്നത്. പിന്നീട് ഉപരിപഠനത്തിനായി ജെബിന് ബംഗളൂരിലേക്ക് പോയി. അടൂരിലെ സ്വകാര്യ വിദ്യാഭ്യാസ സ്ഥാപനത്തിലാണ് തുടർന്ന് സോന പഠിച്ചിരുന്നത്.
ഇരുവരുടേയും മരണങ്ങളില് ദുരൂഹതയില്ലെന്നാണ് പൊലീസ് നൽകുന്ന സൂചന.ആത്മഹത്യസംബന്ധിച്ച കൂടുതൽ വിവരങ്ങൾക്കായി ബന്ധുക്കളെ ചോദ്യംചെയ്യുമെന്ന് പൊലീസ് അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |