തമിഴ്നാട്ടിൽ കൊവിഡ് വ്യാപനം ശക്തമാകുന്നു, ട്രെയിൻ യാത്രയ്ക്ക് ഉൾപ്പെടെ കൂടുതൽ നിയന്ത്രണങ്ങൾ

ചെന്നൈ: കൊവിഡ് വ്യാപനം ശക്തമാകുന്ന പശ്ചാത്തലത്തിൽ ചെന്നൈ ലോക്കൽ ട്രെയിനുകളിൽ കൂടുതൽ നിയന്ത്രണങ്ങൾ. ജനുവരി 10 മുതൽ 31 വരെ രണ്ട് ഡോസ് വാക്സിൻ സ്വീകരിച്ചവരെ മാത്രമേ ചെന്നൈ ലോക്കൽ ട്രെയിനുകളിൽ യാത്ര ചെയ്യാൻ അനുവദിക്കുവെന്ന് ദക്ഷിണ റെയിൽവേ അറിയിച്ചു.

രണ്ട് ഡോസ് വാക്സിൽ സ്വീകരിച്ചതിന്റെ സർട്ടിഫിക്കറ്റ് കൈവശം ഉള്ളവർക്ക് മാത്രമേ ടിക്കറ്റ് നൽകുകയുള്ളു. സീസൺ ടിക്കറ്റ് ഉടമകൾക്ക് ഉൾപ്പെടെ നിബന്ധന ബാധകമാകുമെന്നും റെയിൽവേ വ്യക്തമാക്കി. തമിഴ്നാട്ടിൽ കൊവിഡ് കേസുകൾ വൻ തോതിൽ ഉയരുന്ന സാഹചര്യത്തിലാണ് പുതിയ തീരുമാനം. വെള്ളിയാഴ്ച തമിഴ്നാട്ടിൽ 8,981 പുതിയ കൊവിഡ് കേസുകൾ റിപ്പോർട്ട് ചെയ്തു. ചെന്നൈ, കോയമ്പത്തൂർ, കാഞ്ചീപുരം, തിരുവള്ളൂർ എന്നിവിടങ്ങളിലാണ് പുതിയ കേസുകളിൽ ഭൂരിഭാഗവും റിപ്പോർട്ട് ചെയ്തിരിക്കുന്നത്. ചെന്നൈയിൽ മാത്രം ഈ ദിവസം 4,531 പേർക്കാണ് കൊവിഡ് സ്വീകരിച്ചത്.