ധനസഹായ വിതരണം

പത്തനംതിട്ട : സഹകരണ സംഘങ്ങളിലെ രോഗബാധിതരായ അംഗങ്ങൾക്ക് അംഗസമാശ്വാസ പദ്ധതി പ്രകാരമുള്ള ധനസഹായത്തിന്റെ താലൂക്കുതല വിതരണ ഉദ്ഘാടനം കെ.യു ജനീഷ് കുമാർ എം.എൽ.എ നിർവഹിച്ചു. പ്രമാടം സഹകരണ ബാങ്ക് പ്രസിഡന്റ് ജോർജ് സൺ സഖറിയ അദ്ധ്യക്ഷത വഹിച്ചു. പതിനഞ്ച് അംഗങ്ങൾക്കുള്ള ധനസഹായ വി​തരണം കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി നിർവഹിച്ചു. കോന്നി അസി. രജിസ്ട്രാർ എസ്.ബിന്ദു, ഭരണസമിതി അംഗങ്ങളായ കെ.എം.മോഹനൻ നായർ, വി.എൻ അച്ചുതൻ നായർ, ലിജു ശിവപ്രകാശ്, എം.കെ.ബാലൻ, എം.ആർ.ശശിധരൻ നായർ, സഹകരണ സംഘം ഇൻസ്പെക്ടർ കെ.ഹരിപ്രസാദ് എന്നിവർ സംസാരിച്ചു.