കെ.എസ്.ഇ.ബി.യുടെ അവാർഡുകൾ, അപേക്ഷാതീയതി ഏപ്രിൽ 2വരെ നീട്ടി

തിരുവനന്തപുരം: കെ.എസ്.ഇ.ബി.യുടെ പൊതുജനങ്ങൾക്കായുള്ള സ്റ്റാൻഡ് അപ് കോമഡി മത്സരത്തിനും മാദ്ധ്യമ പുരസ്കാരങ്ങൾക്കും എൻട്രികൾ സമർപ്പിക്കേണ്ട തീയതി ഏപ്രിൽ രണ്ടുവരെ നീട്ടിയതായി കെ.എസ്.ഇ.ബി വാർത്താകുറിപ്പിൽ അറിയിച്ചു. നേരത്തെ നൽകിയ സമയപരിധി ഇന്നലെ അവസാനിച്ചിരുന്നു.

പൊതു ജനങ്ങൾക്കും കെ.എസ്.ഇ.ബി.ജീവനക്കാർക്കും ഈ മത്സരത്തിൽ പങ്കെടുക്കാം. പൊതുജനങ്ങൾ ' കറണ്ടും ഞാനും' എന്ന വിഷയത്തിലും,
ജീവനക്കാർ ' എന്റെ കറണ്ടാപ്പീസ് അനുഭവങ്ങൾ' എന്ന വിഷയത്തിലുമാണ് സ്റ്റാൻഡ് അപ്‌കോമഡി അവതരിപ്പിക്കേണ്ടത്.നാലുവിഭാഗങ്ങളിലായാണ് മാദ്ധ്യമഅവാർഡുകൾ നൽകുന്നത്.