അനാഥ മക്കൾക്ക് പെരുന്നാൾ വസ്ത്രമൊരുക്കി മുസ്ലിം ലീഗ്

എടപ്പാൾ: കരുതലിന്റെ സ്‌നേഹത്തണലിൽ അനാഥ മക്കൾക്ക് പെരുന്നാൾ വസ്ത്രമൊരുക്കി മുസ്ലിം ലീഗ്. തലമുണ്ട വാർഡ് മുസ്ലിം ലീഗ് കമ്മിറ്റിയാണ് സ്‌നേഹ തണൽ എന്ന പദ്ധതിയിലൂടെ കാരുണ്യത്തിന്റെ സമ്മാന മൊരുക്കിയത്. മദ്രസ അദ്ധ്യാപകർക്ക് റംസാൻ കിറ്റും നിർദ്ധന കുടുംബങ്ങൾക്കുള്ള സഹായങ്ങളും പദ്ധതിയിൽ ഉൾപ്പെടും. ഇരുന്നൂറോളം കുടുംബങ്ങൾക്ക് പദ്ധതിയിൽ വിവിധ സഹായങ്ങൾ നൽകും പാണക്കാട് സയ്യിദ് ഹമീദലി ശിഹാബ് തങ്ങൾ വിതരണ ഉദ്ഘാടനം നിർവഹിച്ചു. അനാഥ മക്കളുടെ സംരക്ഷണത്തിന്റെ മഹത്വം മനസ്സിലാക്കിയുള്ള ഇത്തരം പ്രവർത്തനം മാതൃകയാണെന്ന് തങ്ങൾ പറഞ്ഞു. വി.കെ.എ മജീദ് അദ്ധ്യക്ഷനായി. മലപ്പുറം ജില്ലാ പഞ്ചായത്തംഗം വി.കെ.എം ഷാഫി, റഫീഖ് പിലാക്കൽ, തസ്തക്കീർ, കെ.വി ബാവ, അഷറഫ് തലമുണ്ട, ഹസ്സൻ. പി , അബ്ദുട്ടി എന്നിവർ സംസാരിച്ചു.