തിരുവനന്തപുരം: വിജയ് ബാബു വിഷയത്തിൽ പ്രതികരണവുമായി പത്തനാപുരം എംഎൽഎ കെ ബി ഗണേശ് കുമാർ. വിജയ് ബാബുവിനെതിരെ നടപടി വേണോ എന്ന ചോദ്യത്തിന് 'എന്നെ വിട്ടേരെ കുഞ്ഞേ അതൊന്നും ഞാൻ പറയില്ല, എനിക്ക് 'അമ്മ'യുമായി യാതൊരുവിധ ബന്ധവുമില്ല. അഭിനയിക്കാൻ വിളിച്ചാൽ പോകുമെന്നല്ലാതെ വേറെ ഒന്നിനും ഇല്ല, 'അമ്മ'യൊക്കെ വിട്ടു, ആരുമായും ഒരു ബന്ധവുമില്ല' എന്നാണ് ഗണേശ് കുമാർ മറുപടി നൽകിയത്.
നടിയെ ആക്രമിച്ച കേസിൽ എഡിജിപി എസ് ശ്രീജിത്തിനെ ക്രൈംബ്രാഞ്ച് മേധാവി സ്ഥാനത്ത് നിന്നും മാറ്റിയ സംഭവത്തിൽ അതെല്ലാം സർക്കാരിന്റെ അധികാരത്തിൽപ്പെട്ട കാര്യങ്ങളാണെന്ന് ഗണേശ് കുമാർ പറഞ്ഞു. 'ക്രൈംബ്രാഞ്ച് അന്വേഷിക്കുന്ന കേരളത്തിലെ ഒരേയൊരു കേസല്ല ഇത്, അന്വേഷണ ഉദ്യോഗസ്ഥനെ അല്ല ഡിജിപിയെയാണ് മാറ്റിയത് അത് കേസന്വേഷണത്തെ എങ്ങനെയാണ് ബാധിക്കുന്നത്. ഡിജിപിയെ മാറ്റിയാൽ അത് കേസിനെ ബാധിക്കുമെന്നത് വെറുതെ ചിലർ പറഞ്ഞു പരത്തുന്നതാണ്. അദ്ദേഹത്തെ പോലെതന്നെ സമർത്ഥനായ പുതിയ ഡിജിപിയെയാണ് സർക്കാർ നിയമിച്ചിരിക്കുന്നത്' ഗണേശ് കുമാർ പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |