മെഡിസെപ് തകർക്കാനുള്ള ശ്രമം ഗൗരവമായി കാണും: മുഖ്യമന്ത്രി

തിരുവനന്തപുരം:സർക്കാർ ജീവനക്കാർക്കും പെൻഷൻകാർക്കുമായി തുടങ്ങിയ മെഡിസെപ് ആരോഗ്യഇൻഷുറൻസ് പദ്ധതി തകർക്കാനുള്ള ശ്രമങ്ങളെ നേരിടുമെന്ന് മുഖ്യമന്ത്രി പിണറായിവിജയൻ.നിയമസഭയിലെ ശങ്കരനാരായണൻതമ്പിഹാളിൽ എം.എൽ.എ.മാർക്കായി നടത്തിയ ‌ബോധവൽക്കരണപരിപാടി ഉദ്ഘാടനം ചെയ്യുകയായിരുന്നു അദ്ദേഹം.ധനമന്ത്രി കെ.എൻ.ബാലഗോപാൽ,മന്ത്രി രാജൻ തുടങ്ങിയവർ സംസാരിച്ചു.ചികിത്സ കഴിയുമ്പോൾ തുക അടയ്ക്കണമെന്ന്പറയുന്നത് പദ്ധതിയെ തകർക്കുന്നതിനിടയാക്കും.ഇതിനെതിരെ പരാതി നൽകണം.മെഡിസെപ് കൂടുതൽ മേഖലകളിലേക്ക് വ്യാപിപ്പിക്കുമെന്നും മുഖ്യമന്ത്രി പറഞ്ഞു.19ദിവസത്തിനുള്ളിൽ 5.31കോടിയുടെ ചികിത്സാസഹായമാണ് പദ്ധതിയിലൂടെ നൽകിയത്.