ആശുപത്രിയിൽ നിന്ന് മാല മോഷ്ടിച്ച് രക്ഷപ്പെട്ടു

തളിപ്പറമ്പ്: ചിറവക്കിലെ ലൂർദ് ആശുപത്രിയിൽ നിന്ന് രണ്ടു സ്ത്രീകൾ മാല മോഷ്ടിച്ച് രക്ഷപ്പെട്ടു . ഏര്യം സ്വദേശിയായ കൈതേരി ഹൗസിൽ കെ.ടി ജുനൈദിന്റെ മൂന്ന് വയസുള്ള മകന്റെ ഒന്നര പവൻ മാലയാണ് സംഘം കവർന്നത്.ആശുപത്രി റിസപ്ഷൻ ഏരിയയിൽ രാവിലെ തിരക്കുള്ള സമയത്താണ് യുവതികൾ കവർച്ച നടത്തിയത്. ഭാര്യയുടെ ചികിത്സയുമായി ബന്ധപ്പെട്ടാണ് ജുനൈദും കുട്ടിയും ആശുപത്രിയിലെത്തിയത്. ഈ സമയം കറുത്ത ചുരിദാറും ചുവന്ന ഷാളും പച്ച ചുരിദാറും വെള്ളഷാളും ധരിച്ച രണ്ട് സ്ത്രീകൾ ഇവിടെ എത്തുകയായിരുന്നു. തുടർന്ന് കുറച്ച് സമയം നിരീക്ഷണം നടത്തിയതിനുശേഷം കുട്ടിയുടെ അടുത്തെത്തി മാല പൊട്ടിച്ചെടുത്ത് രക്ഷപ്പെടുകയായിരുന്നു. തിരക്കുള്ള സമയമായതിനാൽ മോഷണം പെട്ടെന്ന് തിരിച്ചറിയാൻ സാധിച്ചില്ല. ജുനൈദ് നൽകിയ പരാതിയുടെ അടിസ്ഥാന ത്തിൽ പൊ ലീസ് അന്വേഷണം തുടങ്ങിയിട്ടുണ്ട്. ആശുപത്രിയിലെ നിരീക്ഷണ കാമറയിൽ യുവതികളുടെ ദൃശ്യ ങ്ങൾ പതിഞ്ഞിട്ടുണ്ട്. ഇരുവരും കണ്ണൂർ ഭാഗത്തേക്ക് ബസ് കയറി പോയതായി സൂചന ലഭിച്ചിട്ടുണ്ട്.