വൈക്കം. വ്യവസായ വാണിജ്യ വകുപ്പ് വൈക്കത്തഷ്ടമിയോടനുബന്ധിച്ച് വ്യവസായ വിപണന മേള തുടങ്ങി. കെ.എസ്.ആർ.ടി.സി ഡിപ്പോയുടെ ഗ്രൗണ്ടിൽ വിപുലമായ സൗകര്യത്തോടെ 40 സ്​റ്റാളുകളാണ് തുറന്നത്. നഗരസഭ വൈസ് ചെയർമാൻ പി.ടി സുഭാഷ് വിപണന മേള ഉദ്ഘാടനം ചെയ്തു. ആരോഗ്യസ്​റ്റാൻഡിംഗ് കമ്മി​റ്റി ചെയർപേഴ്‌സൺ പ്രീതാ രാജേഷ് അദ്ധ്യക്ഷത വഹിച്ചു. വ്യവസായ കേന്ദ്രം ജനറൽ മാനേജർ എം.വി.ലൗലി മുഖ്യപ്രഭാഷണം നടത്തി. ഉപജില്ല വ്യവസായ ഓഫീസർ സി.ഡി.സ്വരാജ് , ജില്ല പഞ്ചായത്ത് മെമ്പർ ഹൈമി ബോബി , കൗൺസിലർമാരായ എൻ.അയ്യപ്പൻ, പി.ഡി ബിജിമോൾ,വ്യവസായ വികസന ഓഫീസർ മായ ഗോപാൽ എന്നിവർ പ്രസംഗിച്ചു.