80-ാം വയസിൽ ആകാശത്തിലൂടെ പറക്കുന്ന മുത്തശി; വൈറലായി ചെറുമകൾ പങ്കുവച്ച പാരാഗ്ലൈഡിംഗ് വീഡിയോ

സാഹസിക വിനോദങ്ങൾ ഇഷ്ടപ്പെടുന്നത് കൂടുതലും സ്ത്രീകളാണ്. എന്നാൽ പ്രായത്തിന്റെയോ മറ്റെന്തെങ്കിലും കാരണങ്ങളുടെയോ പേരിൽ ഇവ പരീക്ഷിക്കാൻ പല സ്ത്രീകളും തയ്യാറാകാറില്ല. എന്നാൽ 80-ാം വയസിൽ ആസ്വദിച്ച് പാരാഗ്ലൈഡിംഗ് ചെയ്യുന്ന ഒരു മുത്തശിയുടെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലായിക്കൊണ്ടിരിക്കുന്നത്. സെലീന മൊസസ് എന്ന യുവതിയാണ് തന്റെ മുത്തശിയുടെ പഴയ വീ‌ഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്.

View this post on Instagram

A post shared by Celina Moses (@celinamoses)

'പ്രായം വെറും നമ്പർ മാത്രമാണ്. എന്റെ മുത്തശി അത് തെളിയിച്ചതാണ്. മുത്തശിക്ക് 80 വയസുള്ളപ്പോഴാണ് അവർ പാരാഗ്ലൈഡിംഗ് ചെയ്തത്. ഈ പഴയ വീഡിയോ എന്റെ ഫോണിലെ ഗ്യാലറിയിൽ കണ്ടപ്പോൾ ഷെയർ ചെയ്യാതിരിക്കാൻ തോന്നിയില്ല. മുത്തശി മരിച്ചിട്ട് ഇപ്പോൾ ഏഴ് വർഷമായി. '- വീഡിയോയ്ക്കൊപ്പം സെലീന കുറിച്ചു.

നാല് ദശലക്ഷത്തിലധികം പേരാണ് വീഡിയോ കണ്ടത്. നിരവധിപേർ വീഡിയോ ലൈക്ക് ചെയ്യുകയും കമന്റുകൾ രേഖപ്പെടുത്തുകയും ചെയ്തു. ശരിക്കും പ്രചോദനം നൽകുന്ന വീ‌ഡിയോ എന്നാണ് പലരും കമന്റ് ചെയ്തിരിക്കുന്നത്.