മാറ്റിവച്ച ഭിന്നശേഷി ഒഴിവുകൾ നികത്താൻ പി.എസ്.സി

തിരുവനന്തപുരം: ഉദ്യോഗാർത്ഥികളെ ലഭിക്കാത്തതിനാൽ നികത്താൻ കഴിയാത്ത ഭിന്നശേഷി ഒഴിവുകൾക്കായി റാങ്ക്ലിസ്റ്റ് റദ്ദായി ആറുമാസത്തിനകം വിജ്ഞാപനമിറക്കാൻ പി.എസ്.സി കമ്മിഷൻ യോഗം തീരുമാനിച്ചു. വിജ്ഞാപനത്തിൽ പൊതു ഒഴിവുകളോടൊപ്പം മാറ്റിവയ്ക്കപ്പെട്ട ഒഴിവുകളുടെ വിശദാംശവും ഉൾപ്പെടുത്തും. അർഹരായ ഭിന്നശേഷി ഉദ്യോഗാർത്ഥികളെ പുനർ വിജ്ഞാപനത്തിലും ലഭിക്കാതെ വന്നാൽ ആ ഒഴിവുകൾ നിയമപ്രകാരം പൊതുവിഭാഗത്തിൽ നിന്നു നികത്താനും തീരുമാനിച്ചു.

അഭിമുഖം നടത്തും

മണ്ണ് പര്യവേക്ഷണ മണ്ണ് സംരക്ഷണ വകുപ്പിൽ സോയിൽ സർവ്വേ ഓഫീസർ/റിസർച്ച് അസിസ്റ്റന്റ്/കാർട്ടോഗ്രാഫർ/ടെക്നിക്കൽ അസിസ്റ്റന്റ് - രണ്ടാം എൻ.സി.എ - എസ്.സി.സി.സി (കാറ്റഗറി നമ്പർ 509/2022), ആരോഗ്യ വകുപ്പിൽ ഫാർമസിസ്റ്റ് ഗ്രേഡ് 2 (പട്ടികവർഗ്ഗം) (കാറ്റഗറി നമ്പർ 421/2022), കേരള ഹയർ സെക്കൻഡറി വിദ്യാഭ്യാസ വകുപ്പിൽ എച്ച്.എസ്.എസ്.ടി കെമിസ്ട്രി (പട്ടികവർഗ്ഗം) (കാറ്റഗറി നമ്പർ 454/2022) തസ്തികയിലേക്ക് അഭിമുഖം നടത്തും.

ചുരുക്കപ്പട്ടിക പ്രസിദ്ധീകരിക്കും

സാങ്കേതിക വിദ്യാഭ്യാസ വകുപ്പിൽ ഡെമോൺസ്‌ട്രേറ്റർ (ഇലക്‌ട്രോണിക്സ് ആൻഡ് ഇൻസ്ട്രുമെന്റേഷൻ) (കാറ്റഗറി നമ്പർ 295/2021),സാങ്കേതിക വിദ്യാഭ്യാസ വകുപ്പിൽ ഡെമോൺസ്‌ട്രേറ്റർ (ഇൻസ്ട്രുമെന്റ് ടെക്‌നോളജി) (കാറ്റഗറി നമ്പർ 296/2021),സാങ്കേതിക വിദ്യാഭ്യാസ വകുപ്പിൽ (എൻജിനിയറിംഗ് കോളേജുകൾ) ഇൻസ്ട്രക്ടർ ഗ്രേഡ് 1 (ഇൻഫർമേഷൻ ടെക്‌നോളജി) (കാറ്റഗറി നമ്പർ 193/2020),സാങ്കേതിക വിദ്യാഭ്യാസ വകുപ്പിൽ (എൻജിനിയറിംഗ് കോളേജുകൾ) ഇൻസ്ട്രക്ടർ ഗ്രേഡ് 1 (കമ്പ്യൂട്ടർ എൻജിനിയറിംഗ്) (കാറ്റഗറി നമ്പർ 194/2020),പുരാവസ്തു വകുപ്പിൽ റിസർച്ച് ഓഫീസർ (കാറ്റഗറി നമ്പർ 506/2021),തിരുവനന്തപുരം, മലപ്പുറം, പത്തനംതിട്ട ജില്ലകളിൽ പൊതുവിദ്യാഭ്യാസ വകുപ്പിൽ ഹൈസ്‌കൂൾ ടീച്ചർ (സംസ്‌കൃതം) (കാറ്റഗറി നമ്പർ 659/2021),കാസർകോട് ജില്ലയിൽ വിദ്യാഭ്യാസ വകുപ്പിൽ പാർട്ട് ടൈം ഹൈസ്‌കൂൾ ടീച്ചർ (സംസ്‌കൃതം) - ഒന്നാം എൻ.സി.എ പട്ടികജാതി (കാറ്റഗറി നമ്പർ 267/2020),കേരള സംസ്ഥാന സിവിൽ സപ്ലൈസ് കോർപ്പറേഷൻ ലിമിറ്റഡിൽ ജൂനിയർ മാനേജർ (ജനറൽ) (കാറ്റഗറി നമ്പർ 7/2021),കരകൗശല വികസന കോർപ്പറേഷൻ ലിമിറ്റഡിൽ സെയിൽസ് അസിസ്റ്റന്റ്, (പട്ടികജാതി/പട്ടികവർഗ്ഗം) (കാറ്റഗറി നമ്പർ 38/2020, 309/2018) തസ്‌തികയിൽ ചുരുക്കപ്പട്ടിക പ്രസിദ്ധീകരിക്കും.