കാഞ്ഞങ്ങാട്:മാദ്ധ്യമപ്രവർത്തകൻ പി.പി.കുഞ്ഞബ്ദുല്ലയുടെ ഓർമ്മയ്ക്കായി ഏർപ്പെടുത്തിയ മികച്ച ഇസ്ളാമിക ഗ്രന്ഥത്തിനുള്ള പുരസ്കാര സമർപ്പണവും പി.പി.കുഞ്ഞബ്ദുല്ല അനുസ്മരണവും നടത്തി. കേരള മുസ്ലിങ്ങൾ നൂറ്റാണ്ടിന്റെ ചരിത്രം എന്ന ഗ്രന്ഥം പ്രസിദ്ധീകരിച്ച കോഴിക്കോട്ടെ വചനം ബുക്ക്സിനുള്ള പുരസ്കാരം അബ്ദുല്ലകോയ കണ്ണംകടവ് സെന്റർ ചെയർമാൻ വി.പി.കെ. അബ്ദുല്ലയിൽ നിന്നും സ്വീകരിച്ചു.കാഞ്ഞങ്ങാട് സംയുക്ത മുസ്ളിം ജമാഅത്ത് പ്രസിഡന്റ് സി.കുഞ്ഞാമദ് ഹാജി പാലക്കി ഉദ്ഘാടനം ചെയ്തു.ഉസ്മാൻ കരിപ്പത്ത് അദ്ധ്യക്ഷത വഹിച്ചു. ഇ.കെ.കെ. പടന്നക്കാട് സ്വാഗതം പറഞ്ഞു.സുറൂർ മൊയ്തു ഹാജി,എ.ഹമീദ് ഹാജി,ടി.മുഹമ്മദ് അസ്ലം,ബഷീർ ആങ്ങാടി,മുഹമ്മദലി,വി.പി.മായിൻ കുട്ടി, ആയിഷ ഫർഷാന,ബീരാൻ മുട്ടം,വി.കെ.ഷാഫി,അഹമ്മദ് പെര്ങ്ങാടി, സി.മുഹമ്മദ് കുഞ്ഞി,സി.കെ.റഹ്മത്തുള്ള,അഷറഫ് കൊത്തിക്കാൽ,ഫസൽ റഹ്മാൻ,ബഷീർ ചിത്താരി തുടങ്ങിയവർ പ്രസംഗിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |