കൊല്ലം: രാജ്യത്തിന്റെ വീണ്ടെടുപ്പിനെന്ന പ്രമേയത്തിൽ എസ്.ഡി.പി.ഐ സംസ്ഥാന പ്രസിഡന്റ് മൂവാറ്റുപുഴ അഷ്റഫ് മൗലവി നയിക്കുന്ന ജനമുന്നേറ്റ യാത്ര നാളെ കൊല്ലം ജില്ലയിലെത്തുമെന്ന് ജില്ലാ പ്രസിഡന്റ് ലത്തീഫ് കരുനാഗപ്പള്ളി പത്രസമ്മേളനത്തിൽ അറിയിച്ചു.
വൈകിട്ട് 3ന് കേരളപുരത്ത് നിന്ന് വാഹന ജാഥയായി കടപ്പാക്കട, ചിന്നക്കട, മേവറം, അയത്തിൽ വഴി മുഖത്തല ഇ.എസ്.ഐ ജംഗ്ഷനിലും അവിടെ നിന്ന് സമാപന വേദിയായ കണ്ണനല്ലൂർ ജംഗ്ഷനിലും എത്തിച്ചേരും. എസ്.ഡി.പി.ഐ ദേശീയ വൈസ് പ്രസിഡന്റ് അഡ്വ. ഷറഫുദ്ദീൻ അഹമ്മദ് സമ്മേളനം ഉദ്ഘാടനം ചെയ്യും. ജില്ലാ പ്രസിഡന്റ് ലത്തീഫ് കരുനാഗപ്പള്ളി അദ്ധ്യക്ഷനാകും. ഫെബ്രുവരി 14ന് കാസർകോട് നിന്നാണ് യാത്ര ആരംഭിച്ചത്.
പത്രസമ്മേളനത്തിൽ ജില്ലാ ജനറൽ സെക്രട്ടറി റിയാസ് കണ്ണനല്ലൂർ, ജില്ലാ വൈസ് പ്രസിഡന്റ് എ.കെ.ഷെരീഫ്, ജില്ലാ സെക്രട്ടറി രാഖി ആശോകൻ, കണ്ണൻ പട്ടത്താനം എന്നിവർ പങ്കെടുത്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |