കോന്നി: കലഞ്ഞൂർ പഞ്ചായത്ത് 19-ാം വാർഡിലെ നെല്ലിമുരുപ്പൽ സ്ഥാപിച്ചിരിക്കുന്ന എം.സി എഫിനുള്ളിലും പുറത്തും മാലിന്യം കെട്ടിക്കിടക്കുന്നത് നീക്കം ചെയ്യാത്തത് ജനങ്ങൾക്ക് ബുദ്ധിമുട്ടുണ്ടാക്കുന്നതായി പരാതി. കൂടൽ നെല്ലിമുരുപ്പ് റോഡരികിൽ പഞ്ചായത്ത് സ്ഥാപിച്ച എം.സി.എഫിന്റെ ഉള്ളിലും പുറത്തും മാലിന്യം കെട്ടിക്കിടക്കുകയാണ്. അജൈവ മാലിന്യ ശേഖരണത്തിന്റെ ഭാഗമായാണ് പഞ്ചായത്ത് ഇവിടെ എം.സി.എഫ് സ്ഥാപിച്ചത്. ഇപ്പോൾ ഇതിന്റെ ചുറ്റിലും മാലിന്യം നിക്ഷേപിച്ചിരിക്കുകയാണ്. പഞ്ചായത്തിലെ ഹരിത കർമ്മ സേന ശേഖരിക്കുന്ന അജൈവ മാലിന്യമാണ് ഇവിടെ ശേഖരിക്കുന്നത്. ഇവ കൃത്യ സമയത്ത് നീക്കം ചെയ്യണമെന്നാണ് നാട്ടുകാരുടെ ആവശ്യം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |