കൊല്ലം: കൊല്ലം ലോക്സഭ മണ്ഡലത്തിലെ എൽ.ഡി.എഫ് സ്ഥാനാർത്ഥി എം.മുകേഷിന് ഊഷ്മള സ്വീകരണം നൽകി ചവറ നിയോജക മണ്ഡലത്തിലെ വോട്ടർമാർ. പന്മന ആശ്രമത്തിൽ നിന്നാണ് ഇന്നലെ തിരഞ്ഞെടുപ്പ് പ്രചാരണം ആരംഭിച്ചത്.
ചട്ടമ്പിസ്വാമി കേരള നവോത്ഥാന ചരിത്രത്തിലെ ശക്തമായ ഏടാണെന്നും കേരളം ഇന്ന് കാണുന്ന വിധം നില നിൽക്കുന്നത് സ്വാമിയെ പോലെയുള്ള നവോത്ഥാന നായകരുടെ സമർത്ഥമായ ഇടപെടൽ കൊണ്ടാണെന്നും മുകേഷ് അഭിപ്രായപ്പെട്ടു. മണ്ഡലത്തിലെ വിദ്യാഭ്യാസ സ്ഥാപനങ്ങളായ ബേബി ജോൺ മെമ്മോറിയൽ ഗവ. കോളേജ്, വലിയം മെമ്മോറിയൽ ബി.എഡ് കോളേജ്, സംസ്കൃത സർവകലാശാല പ്രാദേശിക കേന്ദ്രം എന്നിവിടങ്ങളിൽ മുകേഷിന് സ്വീകരണം നൽകി. സി.പി.എം നേതാവ് എം.കെ.ഭാസ്കരന്റെ ശവകുടീരത്തിൽ പുഷ്പാർച്ചന നടത്തി. സുജിത്ത് വിജയൻ പിള്ള എം.എൽ.എയും ഒപ്പമുണ്ടായിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |