തിരുവനന്തപുരം: സ്മാർട്ട് സിറ്റി പദ്ധതിയിൽ ഉൾപ്പെട്ട റോഡുകൾ ഘട്ടം ഘട്ടമായി തുറന്നതോടെ നഗരത്തിലെ ഗതാഗതം സാധാരണ നിലയിലേക്ക്. ആദ്യഘട്ട നവീകരണം പൂർത്തിയാക്കിയ റോഡുകളാണ് ഗതാഗതത്തിന് തുറന്ന് നൽകുന്നത്. ആൽത്തറ തൈക്കാട് റോഡിന്റെ മൂന്നാം റീച്ച് വെള്ളിയാഴ്ച ഗതാഗതത്തിന് തുറന്നുനൽകി. സിറ്റി പൊലീസ് കമ്മീഷണർ സി.എച്ച് നാഗരാജുവിന്റെ നേതൃത്വത്തിലാണ് റോഡ് ഗതാഗതത്തിന് തുറന്നുനൽകിയത്. ഇതോടെ ഈ റോഡിൽ ആൽത്തറ മുതൽ നോർക്ക ജംഗ്ഷൻ വരെ ഗതാഗതം സാദ്ധ്യമായിത്തുടങ്ങി. മറ്റു രണ്ട് റീച്ചുകൾ നേരത്തെതന്നെ ഗതാഗതം സാദ്ധ്യമായിരുന്നു.
പ്രവൃത്തി പുരോഗമിക്കുന്ന അട്ടക്കുളങ്ങര കിള്ളിപ്പാലം റോഡ്, തൈക്കാട് ഹൗസ് കീഴെ തമ്പാനൂർ ഒന്നാം റീച്ച് (എം.ജി രാധാകൃഷ്ണൻ റോഡ്) എന്നിവ അടുത്ത ആഴ്ച ആദ്യം ഗതാഗതത്തിന് സജ്ജമാകും. ജനറൽ ആശുപത്രി വഞ്ചിയൂർ റോഡിലെ പ്രവൃത്തികളും അതിവേഗം പുരോഗമിക്കുകയാണ്. നേരത്തെ 2 റോഡുകൾ പൂർണമായും സ്മാർട്ടാക്കി മാറ്റുകയും 4 റോഡുകൾ ആദ്യഘട്ട ടാറിംഗ് നടത്തി ഗതാഗതത്തിന് തുറന്നു നൽകുകയും ചെയ്തിരുന്നു. ഇതിന് പുറമെ 25 റോഡുകളിലും നവീകരണം സാദ്ധ്യമാക്കി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |