കണ്ണൂർ : ക്വട്ടേഷൻ ആരോപണങ്ങളിൽ പി.ജയരാജനെ പിന്തുണച്ച് സി.പി.എം കണ്ണൂർ ജില്ലാ സെക്രട്ടറിയേറ്റ്. ക്വട്ടേഷൻകാരെ സഹായിക്കുകയോ സംരക്ഷിക്കുകയോ ചെയ്യുന്ന പാർട്ടിയല്ല സി.പി.എം. എന്നിട്ടും ക്വട്ടേഷൻകാരുടെ പാർട്ടിയാണ് സി.പി.എം എന്ന് ചില മാദ്ധ്യമങ്ങൾ പ്രചരിപ്പിക്കുന്നുവെന്ന് ജില്ലാ സെക്രട്ടേറിയറ്റ് പ്രസ്താനയിൽ ചൂണ്ടിക്കാട്ടി. ഈ പ്രചരണങ്ങളില് പാര്ട്ടി പ്രവര്ത്തകരും ബഹുജനങ്ങളും കുടുങ്ങിപ്പോകരുതെന്നും ജാഗ്രത പാലിക്കുകയും വേണമെന്ന് ജില്ലാ സെക്രട്ടറിയേറ്റ് അഭ്യര്ത്ഥിച്ചു.
പാര്ട്ടി മെമ്പര്ഷിപ്പ് പുതുക്കാത്തതിനെ തുടര്ന്ന് സി.പി.എമ്മിൽ നിന്ന് ഒഴിവായ മനു തോമസ് നേതാക്കള്ക്കെതിരെ നടത്തികൊണ്ടിരിക്കുന്ന തെറ്റായ പ്രചാരവേല അപലപനീയമാണ് അത് ജനങ്ങള് തിരിച്ചറിയണം. സോഷ്യൽ മീഡിയയിലൂടെ ഭീഷണിയുടെ സ്വരത്തില് ക്വട്ടേഷന്കാരായ ചിലര് നടത്തുന്ന പ്രതികരണങ്ങള് പ്രതിഷേധാര്ഹവും സമൂഹം അംഗീകരിക്കാത്തതുമാണ്. നവമാധ്യമങ്ങളിലൂടെ നടത്തിക്കൊണ്ടിരിക്കുന്ന ഇത്തരം പ്രതികരണങ്ങള് ലൈക്ക് ചെയ്തും, ഷെയര് ചെയ്തും പ്രചരിപ്പിക്കുന്നതും ന്യായീകരിക്കത്തക്കതല്ല. നവമാധ്യമങ്ങളില് പാര്ട്ടിയുടെ വക്താക്കളായി പ്രവര്ത്തിക്കാന് ക്വട്ടേഷന് സംഘങ്ങളെ പാര്ട്ടി ചുമതലപ്പെടുത്തിയിട്ടില്ലെന്നും പ്രസ്താവനയിൽ പറയുന്നു.
അനീതിക്കും അഴിമതിക്കും കൊള്ളരുതായ്മക്കുമെതിരെ പോരാട്ടങ്ങള്ക്ക് നേതൃത്വം കൊടുക്കുന്ന പാര്ട്ടിയാണ് സി.പി.എം. പാര്ട്ടിയുടെ ജനകീയ വിശ്വാസ്യത തകര്ക്കാനുള്ള നീക്കമാണ് തിരഞ്ഞെടുപ്പ് പരാജയത്തെ തുടര്ന്ന് വലതുപക്ഷ രാഷ്ട്രീയ പാര്ട്ടികളും, ചില മാധ്യമങ്ങളും നടത്തുന്നതെന്നും സി.പി.എം വ്യക്തമാക്കി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |