മലയിൻകീഴ്: ഇൻസ്റ്റാഗ്രാം വഴി പരിചയപ്പെട്ട് സൗഹൃദം നടിച്ച് പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ കീഴാറൂർ മൈലച്ചൽ ആര്യങ്കോട് അമ്പാടി ഹൗസിൽ എ.അരുൾകൃഷ്ണ(19),കീഴാറൂർ ആര്യങ്കോട് വലിയറകോണം പൂവൻകുഴി അരുൺ നിവാസിൽ ആർ.അരുൺ(19),കീഴാറൂർ കുറ്റിയാണിക്കാട് അമ്പോതല ലീലാ ഭവനിൽ എസ്.പ്രണവ് (20) എന്നിവരെ മലയിൻകീഴ് പൊലീസ് അറസ്റ്റ് ചെയ്തു.പെൺകുട്ടി നൽകിയ പരാതിയുടെ അടിസ്ഥാനത്തിൽ പോക്സോ പ്രകാരം കേസെടുത്താണ് പ്രതികളെ അറസ്റ്റ് ചെയ്തത്.
മൂന്ന് പ്രതികൾക്കുമെതിരെ പ്രത്യേകം എഫ്.ഐ.ആർ രജിസ്റ്റർ ചെയ്തിരുന്നു.കാട്ടാക്കട ഡിവൈ.എസ്.പി എൻ.ഷിബുവിന്റെ നേതൃത്വത്തിൽ മലയിൻകീഴ് എസ്.എച്ച്.ഒ എൻ.സുരേഷ് കുമാർ,എസ്.ഐ വിനോദ് കുമാർ.എസ്,ഗ്രേഡ് എസ്.ഐ ഗോപകുമാർ,സി.പി.ഒമാരായ സുരേഷ് കുമാർ,സുനിൽകുമാർ,വിനോദ്,കൃഷ്ണ മോഹൻ,സുധീർ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |