കുള്ളാർ ഡാം തുറക്കും

പത്തനംതിട്ട : ശബരിമല ഇടവ മാസ പൂജയുടെ ഭാഗമായി പമ്പ ത്രിവേണിയിൽ മതിയായ ജലനിരപ്പ് ഉറപ്പാക്കുന്നതിന് 14 മുതൽ 19 വരെ കുള്ളാർ ഡാം തുറക്കും. കക്കാട് സീതത്തോട് കെ.എസ്.ഇ.ബി ഡാം സുരക്ഷ വിഭാഗം എക്സിക്യൂട്ടീവ് എൻജിനീയർക്ക് ജില്ലാകളക്ടറും ജില്ലാ ദുരന്തനിവാരണ അതോറിറ്റി ചെയർമാനുമായ എസ്.പ്രേം കൃഷ്ണൻ ഡാം തുറക്കുന്നതിനുള്ള അനുമതി നൽകി. മെയ് 19 വരെയുള്ള ദിവസങ്ങളിൽ പ്രതിദിനം 25,000 ഘനമീറ്റർ ജലം തുറന്നു വിടും. പമ്പ നദിയിൽ അഞ്ച് സെന്റിമീറ്റർ വരെ ജലനിരപ്പ് ഉയരും.