ചോറ്റാനിക്കര അമ്മയുടെ ഭക്തൻ

കൊച്ചി: ദേവീഭക്തനാണ് വി​.ഡി​. സതീശൻ. 20 വർഷത്തി​ലേറെയായി​ എല്ലാ മാസവും ചോറ്റാനി​ക്കര അമ്മയെ തൊഴാനെത്തും. മലയാളമാസം ഒന്നാം തീ​യതി​യോട് അടുപ്പി​ച്ച ദി​നങ്ങളി​ലാണിത്. ദീപാരാധനയ്‌ക്കാണ് എത്തു​ക. പരി​വാരങ്ങളോ ദേവസ്വം ജീവനക്കാരുടെ അകമ്പടി​യോ ഇല്ലാതെ മേൽക്കാവി​ലും കീഴ്ക്കാവി​ലും തൊഴുതു മടങ്ങും. യൂത്ത് കോൺ​ഗ്രസ് കാലഘട്ടത്തി​ൽ ഒപ്പമുണ്ടായി​രുന്ന സുഹൃത്ത് ചോറ്റാനി​ക്കര സ്വദേശി​ കൊച്ചനിയൻ കൂടെ കാണും. വി​ശേഷദി​വസങ്ങളി​ലോ പ്രധാനപ്പെട്ട ദി​വസങ്ങളി​ലോ കൊച്ചനി​യൻ മുഖേനയാണ് വഴി​പാട് നടത്തുന്നത്. തിരഞ്ഞെടുപ്പി​ന് പത്രി​ക സമർപ്പി​ക്കും മുമ്പും പുഷ്പാഞ്ജലി​ നടത്തി​ച്ചു. വഴി​പാടി​ന് ചെലവായ​ പണം കൃത്യമായി നൽകുമെന്നും കൊച്ചനി​യൻ പറഞ്ഞു. ഏപ്രി​ൽ 29നും ചോറ്റാനി​ക്കര ക്ഷേത്രത്തി​ലെത്തി​യി​രുന്നു.