SignIn
Kerala Kaumudi Online
Saturday, 16 January 2021 6.27 PM IST

സ്‌പ്രി​ൻക്ളർ കരാറി​ൽ വീഴ്ച ഉണ്ടായെന്ന് സർക്കാർ സമി​തി​യുടെ കണ്ടെത്തൽ, ഒപ്പി​ടാൻ മുൻകൈ എടുത്തത് ശി​വശങ്കർ

sprinkler

തിരുവനന്തപുരം:സ്‌പ്രി​ൻക്ളർ കരാറി​ൽ വീഴ്ച ഉണ്ടായതായി​ സർക്കാർ നി​യാേഗി​ച്ച മാധവൻ നമ്പ്യാർ സമി​തി​യുടെ കണ്ടെത്തൽ. കരാർ ഒപ്പി​ടും മുമ്പ് പാലി​ക്കേണ്ട നടപടി​ക്രമങ്ങളി​ൽ വീഴ്ച ഉണ്ടായെന്നും നി​യമവകുപ്പുമായി​ ആലോചി​ച്ചി​ട്ടി​ല്ലെന്നും കരാറിന് മുൻകൈ എടുത്തതും ഒപ്പിട്ടതും എം ശിവശങ്കറാണെന്നും റിപ്പോർട്ടിൽ പറയുന്നു. കരാർ വഴി 1.8ലക്ഷം പേരുടെ വിവരങ്ങൾ സ്‌പ്രി​ൻക്ളറിന് ലഭ്യമായിട്ടുണ്ടെന്നും സമിതി സർക്കാരിന് സമർപ്പിച്ച റിപ്പോർട്ടിൽ വ്യക്തമാക്കുന്നുണ്ട്.

മുൻ വ്യോമയാന സെക്രട്ടറി എം മാധവൻ നമ്പ്യാരും സൈബർ സുരക്ഷാ വിദഗ്ധനായ ഗുൽഷൻ റോയിയും അടങ്ങിയതായിരുന്നു കമ്മിറ്റി.

1.8 ലക്ഷംപേരുടെ വിവരങ്ങൾ കമ്പനിക്ക് ലഭ്യമായെങ്കിലും ഇതിൽ രാജ്യസുരക്ഷയെ ബാധിക്കുന്ന വിവരങ്ങൾ ഒന്നുമില്ലെന്നും പനിപോലുളള സാധാരണ രോഗങ്ങളുടെ വിവരങ്ങൾ മാത്രമേ ഉളളൂ എന്നുമാണ് റിപ്പോർട്ടിൽ പറയുന്നത്. വിവരചോർച്ച കണ്ടെത്താൻ സർക്കാരിന് നിവലിൽ സംവിധാനങ്ങൾ ഒന്നുമില്ലെന്നും അതിനാൽ ഭാവിയിൽ ഇത്തരം പ്രശ്നങ്ങൾ ഉണ്ടാവുന്നത് ഒഴിവാക്കുന്നതിനുളള എട്ടിന നിർദ്ദേശങ്ങളും സമിതി സമർപ്പിച്ച റിപ്പോർട്ടിൽ ഉൾപ്പെടുത്തിയിട്ടുണ്ട്. സി ഡിറ്റിനെയും ഐടി വകുപ്പിനെയും കൂടുതൽ ശക്തമാക്കണം, സി ഡിറ്റിലെ ജീവനക്കാർക്ക് കാലാകാലങ്ങളിൽ പരിശീലനം നൽകണം,സർക്കാരിന്റെ ഡിജിറ്റൽ സാങ്കേതിക വിദ്യാഭ്യാസമേഖല കൂടുതൽ ശക്തമാക്കണം തുടങ്ങിയവയാണ് പ്രധാന നിർദ്ദേശങ്ങൾ. ഇതിനാെപ്പം സുപ്രധാന വിവരങ്ങൾ എങ്ങനെ സംരക്ഷിക്കണമെന്ന് സർക്കാരിന് വിദഗ്ധസമിതി മാർഗനിർദേശവും നൽകിയിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SPRINKLER DEAL INVESTIGATION REPORT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.