കണ്ണൂരിലെ ഒന്നര വയസുകാരിയുടെ മരണം; കുഞ്ഞിനെ കൊന്നതെന്ന് അമ്മ, പിതാവിനെതിരെ കൊലക്കുറ്റത്തിന് കേസ്

കണ്ണൂർ: ഒന്നരവയസുകാരി പുഴയിൽ വീണ് മരിച്ച സംഭവത്തിൽ പിതാവ് ഷിജുവിനെതിരെ കൊലക്കുറ്റത്തിന് കേസ്. അമ്മ സോനയുടെ മൊഴിയുടെ അടിസ്ഥാനത്തിലാണ് കേസ്. തന്നെയും മകളെയും ഭർത്താവ് പുഴയിലേക്ക് തള്ളിയിട്ടതാണെന്ന് സോന പൊലീസിന് മൊഴി നൽകി.

ഷിജുവിനായി പൊലീസ് തിരച്ചിൽ തുടങ്ങി.ഇന്നലെ രാത്രിയായിരുന്നു സംഭവം.ഒന്നരവയസുകാരി അൻവിതയാണ് മരിച്ചത്. ഷിജുവിനൊപ്പം ബൈക്കിലാണ് സോനയും മകളും പാത്തിപ്പാലത്ത് എത്തിയതെന്ന് പൊലീസിന് നേരത്തെ വിവരം ലഭിച്ചിരുന്നു.

സോനയുടെ നിലവിളി കേട്ട് നാട്ടുകാർ ഓടിയെത്തുമ്പോഴേക്ക് ഷിജു ഇവിടെ നിന്നും പോയിരുന്നു. സോനയെ നാട്ടുകാരാണ് രക്ഷപ്പെടുത്തിയത്. ഷിജുവിന്റെ മൊബൈൽ ഫോൺ സ്വിച്ച് ഓഫാണ്. ഇയാൾ തലശ്ശേരി കോടതിയിലെ ജീവനക്കാരനാണ്.